Лагерьның дүртенче көнендә балаларны күңелле музыка каршы алды һәм алар иртәнге зарядкага тезелделәр. Көнебез бик файдалы булды. Туклыклы аштан соң, «Ашыт» дәүләт тыюлыгы хезмәткәрләре Әхмәтҗанов Р.З., Абдрахманова Г.И., ТР экология һәм табигать байлыклары министрлыгының Төньяк территориаль идарәсе белгече Латыш Ф.К. белән очрашу оештырылды. Алар табигатьне саклау буенча чыгыш ясадылар. Төрле конкурсларда җиңгән укучыларга бүләкләр тапшырдылар, файдалы киңәшләрен, теләкләрен җиткезделәр.

Бүген лагерьда Экологлар көне. Балаларда табигатькә карата сакчыл караш, табигатьтә сезонлы үзгәрешләрне күрә белергә, барлык тере табигатьтә үзара бәйләнешне аңларга өйрәтү һәм экологик тәрбия нигезләрен үстерү максатыннан экскурсия оештырылды. Укучылар җәйге табигатьне күзәттеләр, тырыша-тырыша табышмакларга җаваплар эзләделәр.

Бүген мәктәп яны сәламәтләндерү лагеренда бәйрәм – Лагерь ачылу тантанасы булып узды.  Төркемнәр үзләренең исемнәре, сөрәннәре белән таныштырдылар. Укучылар үзләренең чыгышларын тәкъдим иттеләр: җырладылар да, биеделәр дә. Лагерьның өченче көне дә файдалы һәм күңелле узып китте.

Лагерьның икенче көне күңелле генә башланып китте. Музыка астында иртәнге зарядка ясадылар, яңа көнгә көч тупладылар. Иртәнге тәмле аштан соң, балалар барысы да, шау килеп, лагерьның ачылу тантанасына әзерләнделәр, отряд почмаклары булдырдылар. Саф һавада хәрәкәтле уеннар уйнарга да вакыт таптылар.

Җәйнең беренче көне – балачак иленең иң матур бәйрәме. Шуңа да балалар бу көнне зур түземсезлек белән көтеп ала. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп, җаваплыгыбызны барлап тора. Чөнки үсеп килүче буын – ул безнең киләчәгебез, илебезнең киләчәге. 1 июнь – Халыкара балаларны яклау көне белән!

Көтеп алган җәй җитте. Укучылар өчен мәктәбебез ишекләре яңадан ачылды.1 июньнән биредә мәктәп яны сәламәтләндерү лагере оешты. Лагерьда көндез эшли торган 2 отряд тупланды. Балалар өчен барысы да уйланылган: көн саен бәйрәм, викториналар, спорт ярышлары, эстафеталар, балаларның иминлеген саклау буенча әңгәмәләр планлаштырыла; ашханәдә тәмле иртәнге һәм төшке ашлар көтә. Бөтен тәрбия эше балаларның күңелен ачу һәм аларны сәламәтләндерүгә юнәлдерелгән. Бүген лагерьда Балаларны яклау көненә багышланган онытылмаслык чаралар үтте. Укучыларның иң теләп катнашканы - асфальтка рәсемнәр ясау булды. Мәктәп яны сәламәтләндерү лагерендагы балаларның барысына да ял вакытын бик күңелле уздыруларын телибез!

Туган якны өйрәну буенча "Милли эзләнуләр" проекты астында үтүче Туган телләр һәм Халыклар бердәмлеге елына багышланган укучылар һәм укытучыларның "Туган телемнең серләрен ачам" районара фәнни-гамәли конференциясендә жиңү яулаган кызларыбыз: 1 класс укучысы Яруллина А. (Җитәкчесе Камалиева Р М), 4 класс укучысы Хайдарова И. (Җитэкчесе Шарафетдинова Г Н.) не котлыйбыз!