Мәктәбебездә  бүген  "Халыкара Туган  тел  көне " уңаеннан  мәктәпкүләм  тәрбия дәресе  үткәрелде. Укучыларга  туган  телнең  кадере, аны сакларга  кирәклеге  төшендерелде.

Ватанны  саклаучылар  көне уңаеннан  педагог-организатор Миләүшә Моратовна  6-8  класс  егетләре  арасында " Батыр- шоу"  уен-ярыш  үткәрде. Егетләр  үзләрен төрле  өлкәдә  күрсәттеләр. Берсе дә сынатмады. Афәрин  егетләр!!!

Беренче  класс укучыры  кышкы  каникулларын  файдалы  үткәрәләр.  Алар  бүген  бергәләшеп  мәктәбебездә   эшләп  килүче Наласа  музеена  килделәр.

Мәктәбебездә  бүгеннән яңа  почта  эшли  башлады. Бу  гадәти  почта  түгел, ә  ветераннарга  хат  юллау  өчен. 9 майга  кадәр  укучылар  Бөек  Ватан  сугышы  ветераннарына, сугыш  елы  балаларына  хат  язып  салырга  тиешләр.

Бүген  мәктәбебездә " Тәрҗемә  ит." уены үткәрелде.Аны  Арча  педагогия  көллиятеннән практикага  кайткан  үзебезнең  чыгарылыш  укучыбыз  Вахитова  Ләйсән  Марат  кызы  оештырды. Әлеге  уенда 8  класс укчысы- Хөснетдинов  Дамир, 9  класс укучысы - Сафиуллина Алисә, 10 укучысы- Мифтахова Ания  үзара  көч  сынаштылар.  Шулай  ук  уен  барышында  башлангыч  класс укучылары күңелле  җырлар  башкардылар. Уен  бик күңелле  үтте.

  Мәктәбебезнең  бер  төркем  укучылары  Арча  укучылар  сараенда  үткәрелгән  авиамодельләр  очырту  буенча  чемпионатта  катнаштылар. Чара  бик  күңелле  узды.

  13 нче  февраль  көнне  мәктәбебез  командасы  "Зарница"  уенында  катнашты. Укучылар  анда  уңышлы  гына  чыгыш  ясадылар.

12 нче  февараль  көнне  мәктәбебезнең  патша  һәм  патшабикәсен  сайлаулар  узды. Алдагы  көннәрдә  укучылар, укытучылар  һәм  техник  хезмәткәрләргә  кандидатлар  турында  мәгълүматлар  белән  танышу  мөмкинлеге  тудырылган  иде. Шуларга  таянып  һәркем  үзенә  ошаган  кандидатура  өчен  тавыш  бирде. Сайлау  нәтитәләре  соңрак  игълан  ителәчәк. Сайлауларны  чит  телләр  укытучысы  Заприпова  Р.Ф. һәм  практикант  студент  Вахитова Л.М.  оештырды.

Бүген  8 нче  сыйныф  укучылары  тыл  ветераны  Хөснетдинова  Хәтимә  апа  белән  очраштылар. Хәтимә  апа  укучыларга  сугыш  еллары  турындагы  хатирәләре, күргән  авырлыклары, гыйбрәтле  хәлләр  турында  сөйләде. Соңыннан  барысы  бергә  фотога  төштеләр.

Инглиз  теле  атналыгы  дәвам  итә. Чит  телләр  укытучысы  Зарипова Р.Ф.  һәм  практикант  студент   Вахитова  Л.М.  Дисней  мультфильмы  геройларын  сурәтләгән  рәсемнәр  күргәзмәсе  оештырдылар. Күргәзмәдә  1- 5  сыйныф  укучылары  катнашты.