Бу күренекле шәхесләр ни сәбәпле , кайда һәм кайчан бергә очрашты икән дисезме?! Очрашу сәбәбе җитди шул: бөек рус һәм кыргыз язучысы Чынгыз Айтматовның тууына 90 ел булуга багышланган фәнни-тикшеренү укулары.  Көне 21 декабрь 2018 нче ел. Урыны итеп Кукмара шәһәре дә бер дә юкка сайланмаган. Чынгыз Айтматовның әнисе Нәгыймә апа чыгышы буенча Кукмара районының Мәчкәрә авылыннан икән. Бу чынбарлык белән горурлану хисләрен район советы җитәкчесе урынбасары Каримуллина Р.А. һәм  педагогик фәннәр  кандидаты, районның исполком җитәкчесе  урынбасары, мәгариф бүлеге җитәкчесе Мансуров Роберт Мияссар улы җиткерде. Галимуллин Фоат Галимулла улы Чынгыз Айтматов белән берничә тапкыр очрашуы турында сөйләде. Укуларда Носы мәктәбенең рус теле һәм әдәбияты укытучысы Каюмова З.М. га да катнашты. Монда аңа узенә дә секцияләр эше вакытында районның куп кенә авылларыннан килгән катнашучылар белән берлектә чыгыш ясарга туры килде. Укулырга килгән һәрберсе Чынгыз Айтматовның бөеклеген тагын бер кат исбатлады. Аның рус һәм кыргызныкы гына тугел, ә бөтен дөнья язучысы икәнлеген сойләде. Роберт Мияссарович: “Ул бит эле Социалистик Хезмәт Герое да”,-дип белгертте. Конференциянең темасы “Нравственное здоровье человека: вызовы цифровой эпохи” дип атала. Ни өчен дигәндә, Чынгыз Торекулович Айтматовның әсәрләрендә балада кешелеклелек сыйфатлары тәрбияләү өчен бик күп мисаллар бар. Укулардан һәр катнашучы рухи азык алып, киләчәктә эш дәверендә кулланырга күп тәҗрибә туплап кайтты.

Бүген мәктәптә чираттагы эвакуация узды. Эвакуацияләнү вакытына сыештык.

19 декабрь конне Арчада шашка ярышы уткэрелде, укучыбыз Абдуллин И. 3 урын яулады.

Юл хәрәкәте иминлеген ныгыту максатыннан мәктәбебезнең ЮИД командасы балалар бакчасына барып, юл травматизмын кисәтүгә юнәлдерелгән чара үткәрде. Яшь “ЮИД” чылар  нәниләр белән "Юл кагыйдәләрен һәркем белергә тиеш" уен-конкурсы оештырдылар. Конкурс юл хәрәкәте кагыйдәләрен, светофор сигналларын, җәмәгать транспортында һәм юлда үз-үзеңне тоту кагыйдәләрен белүгә багышланган иде. Ә уен алдыннан мәктәбебезнең ЮИД командасы юл хәрәкәте кагыйдәләре буенча чыгыш ясады.

Кышкы  чор - кошлар өчен бик авыр вакытлар. Үсемлек орлыклары  калын кар астында  калды, кошлар  азык  таба  алмыйлар.  Сәрдәбаш башлангыч мәктәбе укучылары мәктәп  янына җимлекләр куйдылар.  Көн саен кошларга җим салалар.

14 декабрь көнне Ашытбаш урта мәктәбендә "Ел укытучысы - 2018" конкурсының зона туры булып узды. Безнең мәктәбебездән математика һәм информатика укытучысы Абдуллин Р.Р. 7 класс укучылары белән ачык дәрес һәм дәрестән тыш эшчәнлек кысаларында 5-6 класс укучылары белән математик кичә күрсәтте. Киләчәктә аңа эшендә уңышлар телибез.

Бүген мәктәптә математика-физика атналыгы кысаларында Абдуллина Э.В. "Математика илендә" дигән уен-ярыш үткәрде. Бу ярышта бишенче класслар һәм алтынчы класслар командасы катнашты. Уен берничә конкурстан торды, укучылар математика фәне буенча белемнәрен сынаштылар. Көч сынашу алтынчыларның җиңүе белән тәмамланды. Котлыйбыз!

12 декабрь көнне математика-физика атналыгы кысаларында 6 класста математикадан Абдуллина Э.В. "Вакланмалы аңлатмаларның кыйммәтен исәпләү" темасына ачык дәрес үткәрде. Дәрестә күп төрле эш алымнары кулланылды, эш төре саен нәтиҗәләр ясалып барылды. Төркемнәрдә эшләү, парларда эшләү уңышлы  булды. Укучылар дәрестә актив катнаштылар, белемнәрен тиешле дәрәҗәдә күрсәтә алдылар. Дәрес максатына иреште.

Математика-физика атналыгы кысаларында бүген укучылар белән "Математик сабантуй" дип исемләнгән математик кичә үтте. Математик сорауларга дөрес җавап биргән укучылар, сабантуй бәйрәмендә уздырыла торган ярышларда катнашып, бүләкләр алдылар.

Халыкара инвалидлар көне уңаеннан "Мәрхәмәтле дөнья" дигән темага тәрбия сәгате үтте. Укучылар шул уңайдан мәктәп залында урын алган, мөмкинлекләре чикле булып та, дөньяны яратучы, күренекле кешеләргә багышланган күргәзмәне карадылар. Фәнис Яруллин, Гакыйль Сәгыйровның тормыш юлы, иҗаты белән якыннанрак таныштылар.