1973 нче елның 6 мартында Советлар Союзында хәрәкәтнең яшь инспекторлары (ЮИД) отрядлары төзү турында карар кабул ителде. Бүгенге тәрбия сәгатендә без укучылар белән, ЮИД отрядларының шул вакыттан бүгенге көннәргәчә үткән юлы, тарихы, эшләре белән таныштык. Безгә "Сакла"порталы ярдәмгә килде. Юлларда үз-үзеңне тоту буенча бик күп белем тупларга ярдәм итә, кечкенә сыйныф укучыларына бу күнекмәләрне уеннар аша бирә. Укучыларыбыз өстәл уеннарын да бик яраттылар.

12 мартта татар язучысы, галим һәм җәмәгать эшлеклесе Галимҗан Ибраһимовның тууына 135 ел була. Шул уңайдан югары класс укучылары белән әңгәмә үткәрдек, “Алмачуар” әсәре буенча төшерелгән видеоролик карадык.
Галимҗан Ибраһимов кыйммәте беркайчан да югалмый торган бай, кадерле әдәби мирас калдырды. Ул кулланган иҗат алымнары, ул баетып калдырган әдәби тел әле хәзер дә, яңа заманда да өлге булып хезмәт итә. Аның әсәрләре безнең заман кешесенә дә туган илгә, туган туфракка тирән мәхәббәт тәрбияли, рухи ярлылыктан арынырга, күңел хәзинәсен гуманистик-инсани сыйфатлар белән баетырга ярдәм итә.

Халыкара хатын - кызлар көне уңаеннан укучыларыбыз бәйрәм чараларында актив катнашып килделәр. Бүләккә открыткалар ясадылар.

В связи с праздником 8 марта мы участвовали в акции "Любимые Ветераны". 

Бөрене каеннарда сут хәрәкәте башланганда, бөреләр бүрткәч, әмма әле яфрак ярганчы җыярга кирәк. Гадәттә, бу март башы-урталарына туры килә. Бер генә яфрак чыкса да, соң булыр. Каен бөресен җыю өчен бу көннәр иң отышлы вакыт санала.
Бөрене коры көнне җыегыз. Бер каенның бөреләрен күп кисмәгез, агачка зыян китермәгез.
Яз көне аны киптерүе авыр. Бүлмәдә кипмәсә, духовкага куегыз, температураны +30 градустан арттырмагыз. Кипкән бөре 2 ел саклана.
Зифа буйлы сердәш каенкайлар безгә шундый сихәт тә бирә. Табигать белән дус булыгыз, дуслар.
Каен бөресе бәвелне куа, канны чистарта, тирләтә, иммунитетны ныгыта, аны подагра, ревматизм, тире авыруларыннан, геморройдан файдаланалар.
Әйләнә - тирәгә ямь биреп торучы зифа ак каеннарны киләчәк өчен дә калдырыйк, яңаларын утыртыйк.

Бүген башлангыч класс укучылары белән беренче хатын-кыз космонавт - Валентина Терешкова турында сөйләштек, видео материаллар белән таныштык. 1963 елның 19 июнендә “Восток-6” кораблендә Валентина Терешкова дөньяда беренче хатын-кыз космонавт буларак космоска оча. Аңа бу вакытта 26 яшь була. Очыш барышында Терешкованы «Чайка» дип атыйлар. Космонавтның очышы 2 тәүлек 22 сәгать 50 минут дәвам итә. Ул планетаны 48 тапкыр әйләнеп чыга.
Очыш барышында җитди проблемалар да туа: корабль программасында хата китә. Корабль Җиргә якынаясы урынга аннан гел ерагая гына бара. Бу хата өчен Терешкова үзенең тормышы белән түләргә тиеш була. Ләкин ул төшенкелеккә бирелми, системага яңа мәгълүматлар кертә, хатаны төзәтүгә ирешә.
Космоста ул күзәтүләр алып бара, борт журналын тутыра, галәмне фотога төшерә, Җир белән даими элемтәдә тора. Ләкин корабль Җиргә төшкәндә ике арада элемтә өзелә. Кыю кыз корабльне Алтай өлкәсенә төшерүгә ирешә.
Бу очыштан соң, гади генә Ярославль кызы тере легендага әйләнә: аның исеме бөтен дөньяга тарала. Валентина Терешкова –ялгыз гына космик очыш ясаган Җирнең бердәнбер хатын-кызы. Аннан соңгы хатын-кыз космонавтлар экипаж составында гына очалар.
Валентина Терешкова - Советлар Союзы герое. Ике тапкыр Ленин ордены, Октябрь Революциясе ордены, Хезмәт Кызыл Байрагы ордены, Халыклар дуслыгы ордены, Ватан алдындагы бурычлары өчен 2 һәм 3 дәрәҗәдәге орденнар, ВДНХ ның алтын медале һәм башка бик күп медальләр, дәүләт премияләре һәм мактау грамоталары белән бүләкләнә. «XX гасырның бөек хатын-кызы» дигән мактаулы исем бирелә.
Валентина Терешкова хөрмәтенә, Углич шәһәрендә ясала торган сәгать, «Чайка» дип атала. Аның хөрмәтенә почта маркалары чыгарыла. Валентина Владимировнага багышлап, планетарий ачалар. Айдагы кратерны аның исеме белән атыйлар. Беренче космонавт хатын –кызга багышлап берничә шәһәрдә һәйкәл салынган, музейлар ачылган. Мәктәпләр, урамнар, парклар аның исемен йөртә. 1983 елны беренче хатын –кыз космонавт рәсеме төшерелгән акчалар чыгарыла. Валентина Терешкова - үзе исән килеш сурәте акчага төшерелгән бердәнбер кеше.
2011 елны Россия Федерациясе Президенты Дмитрий Медведев Валентина Терешкованы «Дуслык" ордены белән бүләкли.
Космос акчарлагы- Валентина Терешкова-күпләр өчен үрнәк булып тора.

Кешеләр элек-электән язны яңа тормыш башлану буларак кабул иткәннәр. Юкка гына XV гасырга кадәрь Русьта нәкъ менә 1 мартта Яңа елны бәйрәм итмәгәннәрдер. Ә соңрак шаян һәм күңелле итеп кышны озату һәм табигатькә җанлану һәм кояш җылысын алып килүче Язны каршылау бәйрәме - Май чабу барлыкка килгән.
Без бүген укучыларны христианнарның Май чабу бәйрәме тарихы белән таныштырдык, дингә хөрмәт белән карау тәрбиясен бирдек.
Кешеләрдә төрле ышану һәм традицияләр коймак белән бәйләнгән. Коймак кешене бөтен тормышы буена – туганнан алып үлгәнчегә кадәр озата барган.
Укучыларны ахырдан коймак белән сыйладык.

14 нче февральдән 6 нчы мартка кадәр бөтенрәсәй укыту проекты – “Цифр дәресе” кысаларында Яндекс дәресләр уздыра. Аның темасы: “Цифрлы сәнгать: музыка һәм IT”. Яңа дәрес компания экспертлары тарафыннан төзелгән. Максат: технологияләр ярдәмендә музыка турында күбрәк белү, ясалма интеллектны үстерү. Укучыларга бу турыда мәгълүматны үзлектән дә алырга мөмкин.
В новом Уроке цифры мы узнали, что происходит сейчас на стыке музыки и lT: какие технологии нужны для распознавания и оцифровки, какую музыку может создавать искусственный интеллект вместе с человеком.

Тормыш ул - кешегә бары тик бер генә тапкыр бирелә торган мизгел, илаһи бүләк. Әлеге бүләкне ничек итеп куллану, нинди эчтәлекле “маҗаралар” белән баету -һәркемнең үз эше.
1 март – Наркоманиягә каршы көрәш көне уңаеннан, укучыларыбыз белән түгәрәк өстәл артында сөйләшү оештырдык. Максатыбыз: укучыларның начар гадәтләр белән дуслашмавы, алар арасында тәртип бозуларны кисәтү, фикер алышу иде. Бу очрашуда без үз тормышыбызны дөрес юлдан алып бару, аны бары тик якты мизгелләр белән баету хакында сөйләштек.
Наркоманиягә беркайчанда, беркайда да урын булмасын! Язмышыгызга үзегез аяк чалмагыз!

Башлангыч класс укучылары белән “Россия мәктәпләрендә кинодәресләр” проекты кысаларында “Честь имею” фильмын карадык. Бу кинодагы герои аша балаларга алдашмаска, дөресен сөйләргә кирәклеген аңлаттык. Янәшәбездә шундый кешеләр күбрәк булса, яшәве күпкә күңеллерәк булыр иде.