Кадерле дәү әтиләребезне, дәү  әниләребезне, өлкәннәр көне белән котлап, бакчабыз бәйрәм концерты үткәрде. Сабыйларның Арча станциясендә урнашкан күп функцияле үзәктә беренче генә чыгышлары түгел. Алар сәхнәдә, аллы-гөлле күбәләкләр сыман, берсен-берсе уздырып, матур шигырьләрен, җырларын яңгыраттылар. Бәйрәм концерты бакчабыз җитәкчесе Мостафина Эльвира Габдулхай кызы башкаруында “Яратыгыз” җыры белән төгәлләнде. Килгән кунаклар да, өлкәннәр  дә бу җырга теләп кушылдылар.