Көчле рухлы Тукаебыз

Күтәргән авырлыкны.

Күңелләрдән һич җуелмас

Шагыйрьнең изге даны.

Күркәм Арча калабызның, Тукай паркында, “Без – Тукай оныклары” исемле шәһәркүләм шигырь бәйгесе булып узды. Оештыручылары – Арча Үзәкләштерелгән китапханәләр системасының район балалар китапханәсе мөдире Алсу Гарифҗановна, татар теле тәрбиячеләренең методик берләшмә җитәкчесе Фәния Миннегалиевна, “Каурый каләм” әдәби иҗат берләшмәсе вәкиле Халидә Габделхәевна бик зур мактауга лаек.

     Тукай әсәрләре геройлары чыгышы белән үрелеп барган бәйрәм кичәсенә балаларның оста, сәнгатьле итеп шигырь сөйләүләре ямь өстәде.

    Бәйге булгач, аның җиңүчеләре дә була. Безнең балалар бакчасыннан чыгыш ясаган Батыршина Исламия – I нче, Гыйниятуллина Алинә – II нче урынга лаек булырлык итеп чыгыш ясадылар. Киләчәктә аларга яңадан-яңа уңышлар теләп калабыз!