Максат: Балаларны безнең якларда кышлаучы кошлар белән таныштыру; кечкенә дусларыбызга карата кызыксыну, кайгыртучанлык тәрбияләү.                        Салкын кыш башланып, җир өсте кар белән каплангач, кошларга җим табуы кыенлаша. Менә шуңа күрә алар, бездән мәрхәмәт, ярдәм көтеп, кеше яши торган урыннарга таралалар.       Бүген, сигезенче номерлы  мәктәпкә әзерлек төркеме балалары, татар теле тәрбиячесе Ләйсән Мөхәмәтшина белән кошларга әзерләнгән җимлекләргә төрле ярмалар, ипи валчыклары салдылар. Аларның бу мәрхәмәтле эшләре үзләренә дә бик зур шатлык китерде.