Бүген - бөек шагыйребез Габдулла Тукайның туган көне. Әдип туган телне эчкерсез яраткан.Телне халыкчан итеп-туган тел, матур тел, әткәм-әнкәмнең теле дип атаган. Сөекле шагыйребезне беркайчан да истән чыгармыйбыз. Менә бүген дә  Габдулла Тукайның иҗатына багышланган әдәби-музыкаль кичә уздырылды.Бакчабызның 3нче төркеменә йөрүче балалар, шагыйребез яшәгән урыннарга күзәтү ясап,тормыш юлы белән таныштырдылар. 8,9,10 төркемнәр исә шигырьләрен,әкиятләрен сәхнәләштерде.Нәни Апуш,шук Акбай, Кәҗә белән Сарык,Су анасы,шаян Шүрәле,матур күбәләкләр хәтта бүреләр дә кешелекле,шәфкатьле булырга, туган телебезне ихтирам итәргә кирәклеген җиткерделәр.Бәйрәм кичәсе “Туган тел” җырын өч телдә башкару белән төгәлләнде.