Табигатьтә алтын көз хакимлек итә. Безнең балалар бакчасында да көзге байлык, мул уңыш турында бик күңелле әңгәмәләр , көзгә багышланган бәйрәм чаралары үткәрелә.

Ә бүген без зурлар төркеменә йөрүче балалар белән “Урман маҗаралары” дигән спорт күңел ачу чарасы үткәрдек. 6нчы һәм 7нче төркем балаларын Көз кызы үзенә , көзге урманга сәяхәткә чакырып , хат җибәргән иде. Без бик шатланып сәяхәткә кузгалдык... Юлда безгә куян , бүре , төлке очрады. Балалар аларга уңыш җыярга, яшелчәләрдән аш пешерергә, көзге букет ясарга , күркәләр җыярга булыштылар. Ә Көз аларны урман аланында үзе каршы алды һәм күңелле , сораулы уеннарын үткәрде.

Балаларга көзге урманга сәяхәт бик ошады. Алар күңелле итеп , тырыша-тырыша ярыштылар, ике төркем арасындагы дуслык җепләрен ныгыттылар.

Афәрин , нәни дусларыбыз!