Халык авыз иҗаты  әсәрләреннән балаларга иң якын һәм алар ярата торганы – әкиятләр.  Халык  әкиятләре – сөйләм телен үстерүдә бай материал булып исәпләнә. Нәкъ шул максат белән кечкенәләр төркемендә төрле милләт халыклары әкиятләре белән танышабыз .  Күпчелек очракта татар халык әкиятләренә тукталабыз. Ә бүген исә 10нчы кечкенәләр төркемендә җәнлекләр үзләре безгә кунакка килде.  Балалар аудиоязма тыңладылар, интерактив тактада “Җәнлекне таны” ,“Бу нинди әкияттән?” уенын бик яратып уйнадылар. Табышмакларга җавапны да бик тиз таптылар.Сабыйлар әкият геройларын карарга гына түгел, үзләре дә уйнап күрсәтергә яраталар. Бу әлбәттә аларның сөйләм телен үстерүдә зур булышлык итә.