23 мартта Арчаның беренче номерлы балалар бакчасында шашка буенча турнир ярышы булып узды. Ярышта Арча шәһәренең 8 балалар бакчасы, 5яшьтән – 7 яшькә кадәр булган, 20 бала катнашты. Бу ярышка берсеннән – берсе оста, сәләтле балалар килгәненә тагын бер тапкыр инандык. Безнең бакчабыздан турнирда 4 бала көч сынашты: 6 нчы төркемнән Шамсутдинов Рузәл 1 урынга , 2 нче төркемнән Нигматуллина Лиана 3 урынга лаек булдылар. 5 нче төркемнән Спиридонова Самира һәм 2 нче төркемнән Мадагулов Тимур турнирда катнашкан өчен грамота белән бүләкләнделәр. Шулай ук команда беренчелегендә дә безнең балалар бакчасы командасы беренче урынны яулады.

  Катнашкан барлык балаларга, тәрбиячеләргә, физик тәрбия эше буенча җитәкчеләргә, әти-әниләргә зур рәхмәтебезне җиткерәбез. Киләчәктә дә балаларга зур уңышлар, яңа җиңүләргә ирешүләрен телибез.