Бакчабызга йөрүче балалар кунак чакырырга, кунакка барырга бик яраталар. Һәр килгән кунакны сөенеп каршы алалар. Республикабызның төрле төбәкләреннән килгән кунакларны бу юлы да татар, рус, инглиз телендә шигырьләр сөйләп матур итеп каршы алдылар. Кунакларыбыз хөрмәтенә “Хәерле көн” җырын башкардылар. Балалар бу көнне җыр-биюгә осталыкларын, сәләтле, тапкыр, зирәк булуларын тагын бер кат исбатладылар. Бәйрәмебез ахырында чыгышларны караган тамашачылар кул чаптылар, матур теләкләрен җиткерделәр.