Арча балалар һәм яшүсмерләр спорт мәктәбендә балалар бакчалары башлангыч профсоюз оешмалары арасында волейбол ярышлары оештырылды. Ярышлар киеренке үтте. Бер команданың да беренчелекне кулдан ычкындырасы килмәде. Ләкин безнең тугызынчы балалар бакчасы командасы беренчелекне башка командаларга бирмәде. Физик тәрбия инструкторы Лилия Гәрәева иң яхшы уенчы дип танылды. Командаларга район мәгариф идарәсе һәм профсоюз оешмасы Советы мактау грамоталары, уенчыларга истәлек бүләкләре тапшырды. Безнең кызларга уңышлар теләп калабыз.