Әниләр көне уңаеннан бүген безнең “Шатлык” балалар бакчасында бик матур бәйрәм чарасы булып үтте. Бирегә әниләр һәм әбиләр килгән иде. Ә инде 6нчы мәктәпкә әзерлек төркеме балалары үзләренең искиткеч матур чыгышлары белән әниләренә булган мәхәббәтләрен, җылы хисләрен күрсәттеләр. Матур теләкләрен, назлы сүзләрен җырлар, шигырьләр аша җиткерделәр, кызыклы уеннар уйнадылар, үз куллары белән эшләгән бүләкләрен кадерле кешеләренә тапшырдылар. Балаларның музыкаль чыгышлары бәйрәмгә ямь өстәде. Әниләр дә балаларының чыгышларын дулкынланып, сокланып карадылар. Балаларының уңышлы чыгышлары әниләрдә горурлык хисләре уятты. Бәйрәм беркемне дә битараф калдырмады. Әниләр рәхәтләнеп ял иттеләр һәм бакча мөдире, тәрбиячеләргә тырыш эшләүләре, балаларга ныклы тәрбия бирүләре, аларны иҗади яктан үстерүләре өчен рәхмәтләрен белдерделәр