Безнең балалар бакчасында бүген «Татар малае – 2018» бәйгесе булып үтте. Әлеге бәйге балаларның иҗади сәләтләрен үстерү, туган телне өйрәнүгә кы-зыксыну уяту, туган якка,  милли халык  сәнгатенә һәм аның традицияләренә мәхәббәт, ихтирам тәрбияләү максатыннан оештырылды. Бәйгедә татар те-лендә иркен сөйләшүче, 5-6 яшьлек балалар  катнашты.  Бәйгенең беренче этабында   нәни дусларыбыз тамашачыларны үзе һәм гаиләсе белән, мавык-тыргыч шөгыле белән таныштырса, «Егет кешегә җитмеш тѳрле һөнәр дә аз» дигән сәнгать номеры аша үз сәләтләрен тәкъдим иттеләр. Нәни артистлары-быз үзләренең моңлы җырлары, сәнгатьле итеп шигырь укулары, дәртле бию-ләре белән  таң калдырдылар. Берсеннән-берсе талантлы, булган егетләребез һәр тамашачы күнелендә соклану һәм горурлану хисе уятты. Ахырда жюри әгъзалары гадел хөкем чыгарды, урыннар билгеләнде.   Барлык катнашучы-ларга  да дипломнар белән бергә  истәлекле  бүләкләр тапшырылды.  Балалар бакчасында үткән әлеге чара катнашучыларның гына түгел, тамашачыларның да  күңеленә дә хуш килде. Бәйгедә алган күнекмәләр, матур хис-тойгылар балалар күңелендә  озак сакланыр, киләчәктә аларны мәдәниятле итәргә, шәхес итеп тәрбияләргә бер адым булыр дип ышансы килә