18 нче февраль көнне 1 нче номерлы мәктәпкә әзерлек төркеме балалары тәрбиячеләре белән татар халкының милли киемнәре турында әңгәмә үткәрделәр. Алар төрле бизәкләр белән чигелгән түбәтәй, калфак, күлмәк, алъяпкыч, камзул кебек милли киемнәребезне сокланып карадылар. Шулай ук көнкүрештә кулланылган сөлге, кулъяулык, алъяулык, эскәтер, мендәр өслекләре турында зур кызыксыну белән тыңладылар , рәсемнәр карадылар.Бу эш үрнәкләре халкыбызның кул көчен генә түгел,ә матурлыкка омтылышын, хыялын, зәвыгын да күрсәтә. Балалар да битараф калмадылар, кием шаблоннарын татар орнаменты элементлары белән бизәделәр. Бөек халкыбызның тарихы, сәнгате балалар күңелендә горурлану хисләре уятты.