1 апрель- халыкара кошлар көне. Бу көн гүзәл табигатебезне һәм канатлы дусларыбызны саклау көне буларак билгеләп үтелә. Шул уңайдан 1 нче номерлы мәктәпкә әзерлек төркеме балалары белән “Исәнмесез, кошкайлар!” дип исемләнгән экологик әңгәмә үткәрелде. Әлеге әңгәмәнең төп максаты кошларның табигатьтә һәм кеше тормышында әһәмияте, аларны саклау турында мәгълүмат җиткерү иде. Балалар кошлар турында белемнәре белән уртаклаштылар, табышмакларга җавап таптылар, рәсемнәр карадылар, хәрәкәтле уеннар уйнадылар. Әңгәмә ахырында кошларны саклау, кайгырту безнең бурычыбыз, чөнки кошлар- табигатьнең күрке, алардан башка табигать җансыз булыр иде дигән фикергә килделәр.