Саф һавада булу бала организмын чыныктыруда беренчел һәм мөмкин булган чара. Балаларның саф һавада булуы физик яктан камил үсеше өчен кирәк булуын истә тотып, һәр көнне мәктәпкә әзерлек төркеме балалары белән саф һавада булабыз. Баланың һәр көнне саф һавада булуы - салкын тиюдән килеп чыга торган авыруларны булдырмауда иң яхшы чара. Бала үскән саен саф һавада озаграк булырга, һавада йөрүнең күп өлешен актив хәрәкәтләр ясап, яшьтәшләре белән хәрәкәтле уеннар уйнап үткәрергә тиеш. Хәрәкәтле уеннар, бала белән бергә саф һавада булу – болар барысы да яшь организмны чыныктырырга ярдәм итә. Ә чыныгу – һәртөрле авыруга каршы тору ул.