Сөекле шагыйребезнең безнең көннәргә килеп җиткән иҗат мирасы – зур горурлыгыбыз. Г. Тукайның кайсы гына әсәрен алсаң да, анда әхлак тәрбиясе, туган телебезгә, туган ягыбызга, аның гүзәл табигатенә мәһәббәт хисләре тәрбияләү максаты куелган. Ул безне акыллы, тыйнак, гадел булырга өйрәтә. Г. Тукай әсәрләре аша балалар табигать һәм кешенең аерылгысыз булуы турында мәгълүмат алалар. Ел саен без балалар бакчасында яраткан шагыйребезнең туган көнен билгеләп үтәбез. Аның шигырьләрен, әкиятләрен укыйбыз, өйрәнәбез, сәхнәгә куябыз. Шул унайдан 12 нче зурлар төркеменә йөрүче балалар бик яратып “Шүрәле” әкиятен сәхнәләштерделәр. Балаларның һәрберсе үз роленә кереп, бөтен нечкәлекләренә туры китереп уйнадылар.  Әлеге әкияттән соң балалар урманнарны сакларга, табигатькә зыян китермәскә, кешеләрне алдамаска кирәклегенә төшенделәр.