Бөек татар халкын, бай тарихын,

Гасырлардан килгән мирасын,

Белсен иде җирдә һәрбер бала,

Һәрбер кеше барлап соклансын.

Балаларда милли үзаң тәрбияләүне системага салу нияте белән булдырылган бүлмәбездәге борынгы татар халкының тормышын күрсәткән милли почмак гел яңартылып, тулыландырып торыла. Биредә балалар милли ризыклар, бизәкләр белән танышып кына калмыйлар, ә рольгә кереп шигырьләр сөйләгәндә кулларына алып аларның милли рухын тоялар.Балаларда милли хисләрне тәрбияләү эше аларга халык авыз иҗатын өйрәтү,татар балалар фольклорына мөрәҗәгать итү юлы белән дәвам иттерелә.Бары тик милли хисләр хөрмәт ителгән җирдә генә без яңа буында культуралы, чын мәгнәсендә әхлаклы, милләтенә, халкына хөрмәт белән карый торган кешеләр үсүен күрербез.