Мәктәпкәчә яшьтәге балачак һәр кешенең гомерендә мөһим роль уйный. Баланың эчке дөньясы формалашуга аеруча игътибар итәргә кирәк. Бу очракта китап белән аралашу зур ярдәм булып тора. Матур әдәбият белән танышу аркылы бала дөньяның үткәнен, хәзергесен, киләчәген аңлый, анализларга өйрәнә. Аңарда әхлакый һәм мәдәни кыйммәтләр барлыкка килә. «Матур әдәбият әсәрләре уку» балалар бакчасында белем бирү өлкәсе һәм ирекле эшчәнлекләрдә алып барыла. Бүген 13 нче мәктәпкә әзерлек төркеме тәрбиячесе Хәйретдинова Г.Г. «Сөй, хөрмәт ит, ярат китапны» дигән темага әңгәмә үткәрде. Әңгәмәнең төп максаты: балаларда китапка кызыксыну уяту; аларны тылсымлы китап дөньясына җәлеп итү, китап белән арлашырга өйрәтү; матур әдәбият әсәрләре аша балаларны туган телендә, татар телендә аралашырга, үз фикерләрен дөрес итеп җиткерә белергә өйрәтү.