Лагерыбызда " Гиннес рекордлары" көнен традицион рәвештә үткәреп барабыз. Лагерьда балалар Гулливер, Дюймовочка, Золушка, Шоколадка, Чёрное море, Лучший прыгун, Изощренный приседальщик, Лучший свистун, Сапог-скороход кебек исемнәргә лаек булдылар.

Балыкчы көнен Кесмәс буена төшеп үткәрдек. Елга, балыклар турында табышмаклар чишү. Уха пешерү серләре турында сөйләшү. һәм әлбәттә инде- балык тоту. Ин зур балык тотучы Хасанов Нияз булды. Лагерыбызга кайткач, диңгез балыклары турында видеороликлар карадык.

Лагерь балалары бүген Арчага сәяхәт кылды. Җиңү паркында танклар карау, карусельларда атыну, стадионга төшеп тренажёрларда шөгыльләнү, футбол уйнау, төшкән  вертолёт янына барып фотога төшү- никадәр куаныч бер көндә. Бу көн балаларның исендә калырлык булды

Лагерыбызда бүген шашка ярышлары үткәрдек. Һәр бала барлык балалар белән уйнап чыкты.Ахырда нәтиҗәләрне ачыкладык. 1 урында- Шиһапова Сөмбел, Әхмәдуллина Диана. 2 урында- Абзалова Ильвина, Яппарова Азалия, 3 урында- Хакимова Илүзә, Яппаров Инсаф. Балаларга дипломнар тапшырылды.

Бүген лагерь мәш килә. Аппликация төрләре белән танышу, белгәннәрне искә төшерү, " Кемнеке матуррак" конкурсында катнашу һәр баладан тырышлык сорый. Һәр бала да мозаик аппликация ясады. Аппликацияләрдән күргәзмә оештырдык. Төштән соң саф һавада хәрәкәтле уеннар күңелебезгә хуш килде.

12 июнь Курса Почмак авылы халкы өчен зур бәйрәм булды. Бу барлык авыл халкының  тырыш хезмәте нәтиҗәсе.  Ике ай ярым элек кенә " Ак Барс агрокомплексы " ширкәте  җитәкчесе  Шәйдулла Сәлахов  һәм район башлыгы Илшат Нуриев иске клубны яңарту турында сөйләштеләр. Һәр якшәмбе,бәйрәм көннәрендә авыл халкы өмәгә чыкты. Бухгалтерия, мәктәп хезмәткәрләре ярдәмгә килде. 

Клуб ачылганнан соң халык игътибарына тәкъдим ителгән концерт сәнгатькә гашыйк талантлы яшьләрнең күп булуын күрсәтте.

12 июнь -Россия көне. Ул һәр елның 12 июнендә үткәрелә торган рәсми дәүләт бәйрәме Бу көн 1994 елны Россиянең беренче президенты Борис Ельцин тарафыннан тәкъдим ителә. Баштарак бу бәйрәм Бәйсезлек көне дип аталса, соңрак – 2002 елны аның исемен гадиләштереп Россия көненә үзгәртәләр. Акчарлак лагерында да бу бәйрәмне даими бәйрәм итәбез. Россия турында викторина, асфальтка рәсем ясау бу бәйрәмне тагын да ямьләндерде.

Отрядларыбыз арасында талантлар эзләү көне бүгенгә билгеләнгән иде. Һәр отряд зур әзерлек белән катнашты. Талантның бер өлеше тумыштан, Тугыз өлеше тырышлыктан. Бу мәкальнең дөрес икәненә без ышандык.