Яңа 2021 нче ел якынлаша. Мәктәбебездә- бәйрәм рухы. Шушы уңайдан Яңа ел эшләнмәләренә конкурс оештырылды. Укучылар берсеннән берсе матур, кулдан ясалган эшләнмәләрен алып килделәр. Алардан күргәзмә оештырылды.

Сегодня в нашей школе прошел Всероссийский экологический урок  по теме "Дружи с заповедными островами"

12нче декабрь - Россия Федерациясе Конституциясе көне. Шул уңайдан, мәктәбебезнең башлангыч классында "РФ Конституциясе көне белән танышабыз" дигән темага дәрес-әңгәмә үткәрелде. Укучылар  Конституция- дәүләтнең төп законы , анда кагыйдәләр язылган булуын, үзләренең хокуклары, бурычлары, Россия халкының шушы кагыйдәләр нигезендә яшәвен белделәр.

Мәктәбебездә математика- физика атналыгы бара. Һәр көн укучылар белән төрле чаралар оештырыла. Бүген башлангыч класс укучылары белән "Кызыклы математика" дигән класстан тыш чара үткәрелде. Чараның максаты:

1. Укучыларның танып белү эшчәнлеген активлаштыру;

2. Уйлаган фикерне дөрес итеп формалаштырып әйтеп бирү сыйфатын үстерү;

3. Математика фәненә иҗади кызыксыну уяту;

4. Кызыксынучанлык, эзләнүчәнлек, тырышлык кебек сыйфатлар тәрбияләү;

5. Коллективта эшләргә өйрәтү.

Укучылар ике командага бүленде, исем сайладылар. бирелгән биремнәрне тиешле дәрәҗәдә башкарып ике команданың да баллары тигез булу сәбәпле дуслык җиңү яулады.    Куелган максатка ирешелде, кичә истә калырлык булды.

Класс җитәкчеләре ( Гилязиева Г.Р. хәм Шәрәфиева Г.З.) 8- 9 класс укучыларына  "Яныбызда геройлар" дигән тема  астында класс сәгате уздырды. "Батырлык", "герой", "намус", төшенчәләре турында әңгәмә алып барылды, укучылар батырлык турында мәкальләр һәм әйтемнәр  , яныбыздагы хәзерге көн  батырлары белән таныштылар. Нәтиҗә ясап шуны әйтәсе килә: һәркемгә һәрвакыт батырлык күрсәтергә мөмкинлек бар. Моның өчен бары тик тырышып эшләү, гаделлек кенә кирәк.

Математика - физика атналыгы кысаларында 7-9 класс укучылары белән "Физик марафон" уздырылды. Укучылар физика буенча  үзләренең белемнәрен кулланып, төрле сынаулар аша уздылар. Марафон бөтен кешегә дә ошады.

07.12 - 12.12 көннәрендә мәктәбебездә математика - физика атналыгы бара. Һәр көнне укучылар белән математик һәм физик чаралар оештырыла. Бүген 6 нчы класс укучылары арасында "Математик КВН" узды. Укучылар үзләренең математик белемнәрен һәм көчләрен ике команда составында сынаштылар. Аз гына өстенлек белән "Зирәкләр" командасы җиңүгә иреште. 

БумБатл акциясендә Иске Кырлай мәктәбе укучылары да актив катнаштылар.

     Бүген 1 - 3 класс укучылары белән гражданнарның билгесез югалу очракларын булдырмау максатыннан тәрбия сәгате үткәрелде. Укучыларга кеше югалган очракта яки адашкан вакытта  үз-үзеңне тоту кагыйдәләре аңлатылды. Хәзерге җәмгыятьтә еш очраша торган тормыш ситуацияләре турында, теләсә кайсы хәлдә уйлап эш итәргә һәм ярдәмгә мохтаҗ кешеләргә карата битараф булмаска кирәклеге төшендерелде.

3 нче декабрь көнне 2-4 классларда әйләнә-тирә дөнья фәненнэн "Экология- фән буларак" дигән ачык дәрес узды.Дәрестә Экология министрлыгы белгече Латыш Фирдәүсә Камилевна һәм Ашыт дәүләт тыюлыгы хезмәткәре Габдрахманова Гөлнара Ильясовна катнашты.Укучылар дәрестә табигать буенча белемнәрен киңәйттеләр,үзләрен кызыксындырган сорауларга җавап таптылар.Дәрестә актив катнаштылар. Республика күләмендә уздырылган "Мин һәм кызыл китап"конкурсының муниципаль этабында катнашкан Газизов Нурислам грамота белэн бүләкләнде,аңа истәлекле бүләкләр тапшырылды. "Табигать гүзәллеге" рәсем конкурсында катнашкан кызларыбыз- Сафаргалеева Динә һәм Сафиуллина Алидә мәктәп грамоталары белән бүләкләнде. Нәтиҗә ясап,шуны әйтәсе килә:"Табигатьне саклау һәр кешенең,һәр милләтнең,һәр халыкның изге бурычы"