Мәктәбебез укучылары бүген икенче чирекнең соңгы уку көнен тәмамладылар. Аларны алда күңелле һәм мавыктыргыч каникул көннәре көтә.  Атна дәвамында класс җитәкчеләре укучылар һәм ата - аналар белән кышкы каникул чорына инструктажлар, класс сәгатьләре үткәрделәр. Күңелле бәйрәм мизгелләрен бәхетсезлек очраклары бозмасын өчен, һәрвакыт, һәркайда куркынычсызлык кагыйдәләрен төгәл  үтәргә кирәк. Күңелле каникуллар сезгә!

Бүген мәктәптә чыршы бәйрәме булды. Башлангыч класслар чыршы тирәсендә уйнадылар, җырладылар, шигырьләр сөйләделәр. Бәйрәм кунакларсыз үтсә дә , күңелле булды. 

 Исәнме, чыршы, исәнме!
Тагын да бер ел үтте
Күңелле чыршы бәйрәмен
Балалар күптән көтте

Мәктәбебез укучылары чаңгы спорты белән кызыксынып шөгыльләнәләр. Бүген дә тренировкага җыелдылар.

Районда "Яңа ел тәрәзәләре"дигән акция үткәрелә.Шул хөрмәттән безнең мәктәпнең балалары тәрәзәләрне бик матур итеп бизәргә тырыштылар,бу бер генә класста түгел барлык классларда шул ук эш башкарылды.Тәрәзәләр тыштан ук  яңа ел килгәнен белдереп күңелгә ямь өстәп тора.

Иске Кырлай мәктәбе укучылары Яңа ел бәйрәменә теләп әзерләнәләр, кабинетларны матур итеп бизәделәр, кул эшләнмәләре дә ясап алып килделәр.

Урамда карлы , салкын кыш. Бу вакытта салкын җилләрне җиңеп, нәни канатларын җилпеп азык эзләүче кошларга бик кыен. Кыска көннәрдә азык табып, тамакларын туйдырырга да өлгермиләр, инде кич килеп җитә. Шулай итеп, бик суык көннәрдә күп кенә кошлар катып үләләр.
Шуңа күрә кышын кошлар кеше янына елыша, агач ботагына кунып чыркылдашып , адәм балаларының игелекле гамәлләренә, мәрхәмәтенә өметләнәләр.Чөнки кошларга салкыннар түгел, ә ачлык күбрәк куркыныч тудыра.   "Кошларга ярдәм итик" дигән тема астында укучыларны  мәктәбебебездә  "кошлар тормышы" белән таныштырдык. Һәрбер укучы кошларга җимлекләр ясарга вәгъдә бирде.

Башлангыч профсоюз оешмалары арасында даими спорт ярышлары булып тора.17 нче декабрь көнне мәктәбебезнең 4 укытучысы: Гыйләҗиев Х.Р., Ситдиков А.Г., Гарипова Л.Н., Шәрәфиева Г.З.-  өстәл теннисы һәм бадминтон ярышларында катнаштылар. Аларның һәркайсы мәктәбебезгә призлы урыннар алып кайтып, коллективыбызны сөендерделәр.   Аларны җиңүләре белән кайнар котлыйбыз.

Бүген Арча балалар сәнгать мәктәбенең Иске Кырлай филиалында шөгыльләнүче балаларның декоратив -гамәли сәнгать (бисереплетение) һәм музыка (синтезатор) түгәрәкләре буенча күрсәтмә чыгышлары булды. Түгәрәктә шөгыльләнүчеләр  кулы белән әзерләнгән чәчәкләр күргәзмәсе, укучыларның синтезаторда башкарган  көйләре кураторлар тарафыннан югары бәяләнде. 

Мәктәбебез Яңа елга әзерләнә башлады...Территория,кабинет,коридорлар бик матур итеп бизәлде.

Сегодня в 8-9 классах было проведено федеральное мероприятие «Единое федеральное тестирование учащихся по тематике БДД».Основной целью Тестирования является: проверка у обучающихся общеобразовательных организаций теоретических знаний и практических навыков безопасного поведения в транспортной среде, формирование и развитие комплексной системы профилактики детского  дорожно-транспортного травматизма, развитие интеллектуально-творческого потенциала и личной ответственности за соблюдение правил дорожного движения, развитие у обучающихся образовательных организаций компетенций, связанных сприменением ПДД, а также негативного отношения к нарушителям ПДД.