Мәктәбебез укучылары балалар өчен чыга торган газета-журналларны көтеп алалар. Аларның һәр санын күзәтеп баралар, матур мәкаләләрен, әкиятләрен укып баралар. Балалар өчен үткәрелә торган төрле бәйгеләр белән танышалар.

 4 нче сыйныф  укучысы Гарипов Мурат Туган телләр һәм Халыклар бердәмлеге елына багышланган "Туган телләрнең салават күпере" интернет-акциясендә катнашты һәм сертификат белән бүләкләнде.

 Бүген мәктәбебездә яшь язучы, якташ язучы, Татарстан язучылар берлегенең әгъзасы Феоктистова Олеся Михайловна белән очрашу кичәсе узды. Бик җылы, иҗади һәм күңелләрдә калырлык кичә булды. Укучылар язучының тормыш юлы, иҗаты һәм дөнья күргән китаплары белән таныштылар. Олеся Михайловна укучылар белән җанлы әңгәмә оештырды, ничек иҗат итә башлавын сөйләп узды, әле беркая да басылмаган, яңа гына язылган әкиятләре белән уртаклашты. Укучыларда әдәбиятка һәм иҗатка карата зур кызыксынып уята алды. Вакыт табып очрашуга килүегез өчен олы рәхмәтебезне җиткерәбез!

   1 нче сыйныф укучысы Каюмова Гөлназ "Мин Татарстанны яратам" районкүләм  шигырь бәйгесендә 3 нче урынга лаек булды. Чын күңелдән тәбриклибез, киләчәктәдә уңышлар насыйп булсын!

 Укучыларыбыз “Г.Тукай геройлары минем янәшәмдә” исеме астында узучы районкүләм проектында катнашуны дәвам итәләр.

 21 февраль – Халыкара туган тел көне. Дөньяда җиде меңгә якын тел бар. Шуларның сиксән өче киң таралган. Ә өч йөз сиксән өч тел бөтенләй юкка чыгарга мөмкин. Татар теле –ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор. Туган тел... Һәркем өчен дә газиз сүз бу. Чөнки иң кадерле, бернәрсә белән дә алыштырылмый торган “әни”, “әти”,”әби”, “бабай” сүзләрен башлап туган телдә әйтәбез. Шагыйрьләребезнең матур-матур шигырьләрен ятлап, әле дә куанабыз, рухланабыз.

Татарча да яхшы бел,

Урысча да яхшы бел.

Икесе дә безнең өчен

Иң кирәкле, затлы тел.

 Наши ученики приняли активное участие в акции "Соберём посылку солдата" в рамках реализации проекта "Делаем добрые дела", приуроченной ко дню защитника Отечества. Этот проект является отличной возможность воспитать чувство гордости за свой народ, за армию, Родину. Вызвать желание быть похожими на смелых и отважных воинов своей страны.

В рамках гражданско-патриотического месячника и в чест Дня защитников Отечества 3 классные совместно с родителями провели спортивное мероприятие "Дружная и крепкая семья". Нашим родителям и организаторам спасибо за веселый праздник!

 Татар теле һәм әдәбияты укытучысы Хәйруллина Айгөл Рәдиф кызы "Туган телләр һәм халыклар бердәмлеге елы" уңаеннан Мәгариф идарәсе тарафыннан  укытучылар арасында оештырылган "Туган телеңне өйрән һәм ярат" шигырь бәйгесендә 2 нче урынга лаек булды.