Менә салкын кыш җитте

Җиргә ап – ак кар сипте.

Без кышны күптән көттек

Ак карны сагынып беттек.

Бөтен дөнья ак булган

Әйтерсең, ап – ак юрган.

Агачлар да ак мамыктай

Бәсле шәлен ябынган.

Куана бала – чага

Кыш килүгә шатлана.

Чана – чаңгылар алып

Алар баралар тауга.

Уртанчылар  төркеме  балалары  белән  индивидуаль  шөгыльләнәбез.Танып  белү  эшчәнлеге буенча  түгәрәк, квадрат ,өчпочмакны  танырга,төсләре  буенча  аерырга  өйрәтәбез,Индивидуаль  шөгыльләнү  балаларның  хәтерен  һәм  игътибарлылыгын  үстерергә  ярдәм  итә.

Балалар  төзү  материаллары  белән уйнарга бик яраталар.Ул  аларның   уйлау сәләтләрен,фантазияләрен  үстерә.Уен  вакытында  балалар  төзү  детальләрен  аерырга, яңа корылмалар  төзергә  өйрәнәләр.

Без  мәктәп  укучылары  көче  белән  әзерләнгән"Урман серләре "дигән исем астында, әкият кичәсен карарга  мәктәпкә кердек.

Татарстан Конституциясе – республикабызның Төп Законы. Ул республикабызда  яшәүче күпмилләтле халык ихтыярын чагылдыра. Конституция 1992 нче елның 6 нчы ноябрендә кабул ителде. 6 ноябрь – яңа тарихта чын мәгънәсендә дәүләтчелекне торгызуда әһәмиятле вакыйгага әверелгән иң истәлекле көннәрнең берсе.

4 ноябрь – Бердәмлек көне. “Бердәмлек “ төшенчәсе туплану, берләштерү мәгънәсенә ия. Элек – электән  безнең татар халкына хас сыйфат бу. Нәкъ менә бердәмлек, татулык күп кенә авырлыкларны җиңеп чыгарга, дошманнарны җиңәргә мөмкинлек биргән.Нәкъ менә шушы бердәмлек безнең илебезнең тынычлыгына, мөстәкыйльлегенә китергән. 

               Үткәннәр бит үткән көннәр  инде,

                 Бүгенге көн кыйммәт гел, дибез,

                 Бүгенге көн дә бит, бер уйласаң

                 Үткән көнгә кайтыр көнебез.

                 Нәрсә ул көн... Тарих битләрендә,

                 Еллар... Эраларга тиң түгел.

                 Гасырлардан гасырларга  шулай

                 Кеше гомере дә бер мизгел.

  Ни өчен балалар рәсем ясыйлар соң? Рәсем ясау яшәеш башында күрү сәләтен арттыра. Бала «вертикаль» һәм «горизонталь»  төшенчәләрен өйрәнә. Аннан соң форманы, материалның ниндилеген, акырынлап әйләнә-тирәне өйрәнә башлый. Өйрәнгәнен, белгәнен сүз белән әйтә алмаганны бала рәсем аша «әйтеп бирә». Рәсем ясау күрү сәләтен, хәрәкәтләнүне генә арттырып кына калмыйча яшәеш , дөнья турындагы күзаллауларын арттыра.  

Балалар  белән бергәләшеп көзге экскурсиягә киттек. Табигатьнең сары киемгә төренгән бу мизгелен күзәтү күңелләргә бер рәхәтлек тә, рухи байлык та бирде. Саф һава сулап, басуларны, елгаларны,урманны күзәтеп кайттык.

Оча сары яфраклар,

Шундый үз, шундый ятлар.

Әйтерсең, ярсу атлар.

Әйтә күк алар гүя:

- Бар иде, –  дип, –  безнең дә

Кайчандыр яшел чаклар...

Оча сары яфраклар –

Көзләрдән тәүге хатлар,

Җәйләрдән соңгы хәбәр.

Сөйли белсәләр әгәр,

Әйтерләр иде: “Хушыгыз,

Киләсе язга кадәр.

Хушыгыз, язын кайтырбыз,

Ямь-яшел бөре булып...”

Саубуллаша яфраклар

Йөзләргә кунып-кунып.

Моны күреп торган болыт

Елый күңеле тулып.

Кисеп-ябыштыру  эшчәнлегендә балаларның кул  чукларына күнегүләр  ясала ,  вак  маторикалары ныгытыла,фикерләү ,уйлау  сәләте  арта,сөйләм телләре баетыла.

 Иртәнге гимнастика баланың иртәнге йокысыннан торганнан соң сулыш, кан йөрешен, нерв системасының тонусын нормалләштерә, ашказанындагы һәм организмдагы матдәләр алмашын үзләштертә. Көндәлек гимнастика, икенче төрле әйкәндә, зарядка, баланың физик һәм уйлау-фикерләү сәлатен үстерә, шулай үк ата-анасыннан соң кәефсез калган баланың кәефен күтәрә, шулай үк шук булган балаларны дициплинага өйрәтә, оялчан баланы активрак булырга ярдәм итә.