Буген космонавтика көнең билгеләп үттек. Максат: Балаларның космос турындагы күзаллауларын киңәйтү, логик фикерләүләрен, хәтерләрен үстерү, космонавтика өлкәсендәге белгечләргә хөрмәт хисе тәрбияләү.

Китапханәдә күренекле әдипнең балалар өчен язылган әкиятләрен, хикәяләрен укыдык. Балалар дусларны авыр вакытта ташлап калдырырга ярамаганлыгын, туганнар белән тату яшәргә, кошларны, хайваннарны яратырга кирәклеген аңладылар. Бу чараны китапханәче Рәзинә Ахметзянова белән берлектә оештырдык. 

Тема: Без  көймәләр йөздерәбез .Максат: Рәсемдә характерлы билгеләрен дөрес биреп, язгы табигать күренешен бирә белү күнекмәсен ныгыту; кәгазь битенә рәсемне дөрес урнаштыра белергә өйрәтү; төрле краскалар белән буяу күнекмәсен үстерү; образлы күзаллау, эстетик күзаллауларын үстерү. рәсемгә карата предметның зурлыгын дөрес билгеләү, чиста-пөхтә эш итә алуларына ирешү. 

Тема: "Сыерчык оясы"
Максат:1.Балаларга турыпочмаклык кисәргә өйрәтү;
2.Киселгән өлешләрдән сыерчык оясы төзү;
3.Пөхтәлек тәрбияләү.

Саф һавага чыккач ,яз хәбәрчеләре - сырчыкларны,кара каргаларны күзәттек.
Өй түрендә бакчада
Талчыбык куначада
Сыерчык канат кага
Яз килүгә шатлана.

Аларны күреп,без дә шатландык.Сыерчыкларга оялар куйдык 

2 апрель — Халыкара балалар китабы көне. Барыбызга да яхшы таныш танылган әкиятче Ганс Христиан Андерсенның туган көнендә билгеләп үтелә бу көн.

Тема :"Китап бите кыстыргычы"
Максат: Балаларны Россия халыкларының декоратив-гамәли сәнгате үрнәкләре белән таныштыруны дәвам итү.Бизәкне озынча яссылыкта урнаштыру күнекмәсен ныгыту.Халык осталары эшләнмәләрен күреп соклана белүне үстерү.Халык иҗатына карата уңай мөнәсәбәт тәрбияләү.

Максат: Балаларны юл билгеләре белән таныштыруны дәвам итү,хезмәт күрсәтүне белдерүче ,тыючы, кисәтүче юл билгеләрен аеру күнекмәләрен ныгыту.Урамда һәм юлда ,урамны аркылы чыкканда үзеңне тоту кагыйдәләрен кабатлау.Урам һәм юл элементлары турында белемнәрен ныгыту.

Тема:Яз килә.

Максат:Характерлы билгеләрне дөрес чагылдырып,катлаулы булмаган сюжет уйлап табу.Кисү алымнарын камилләштерү өстендә эшләү.Күзаллау сәләтләрен үстерү,фантазияләрен баету.Эшнең нәтиҗәсен күрү,дөрес бәя бирә белү күнекмәсен ныгыту.

Нәүрүз − төрки халыкларның кышны озату, язны каршылау бәйрәме.
«Нәүрүз» сүзе фарсы теленнән «яңа көн» дигәнне аңлата. Бу бәйрәм көн белән төн тигезләшкән чорга туры килә. Урта, Кече Азия илләрендә 21 нче мартта Яңа елны каршылыйлар. Иран, Әфганстан һәм башка кайбер илләрдә ул дәүләт бәйрәме итеп кабул ителгән. Биредә ул язны каршылап, язгы кыр эшләре алдыннан үткәрелә торган халык бәйрәменә әйләнгән.
Нәүрүзне безнең халкыбыз да бәйрәм итә. Бу көнне балалар йорттан йортка кереп, «нәүрүз әйтеп» йөргәннәр. Нәүрүз такмагын әйтеп, алар хуҗаларга бәхет, уңыш теләгәннәр. Хуҗалар исә балаларга бүләкләр әзерләгәннәр: нәүрүз боткасы өчен ярма, йомырка, май биргәннәр. Аннан бөтен авыл халкы нәүрүз боткасына җыелган, бәйрәм иткән.
Көн белән Төн бил алышыр вакыт җитә,
Елый-елый, кышкы юллар агып китә.
Нәүрүз килә! Ил-йортыма Нәүрүз килә!
Көлтә-көлтә шатлык чәчеп, кояш көлә.