Укучыларыбыз конкурсларда даими катнашып килә. "Русский медвежонок - языкознание для всех" конкурс-уенында 2 укучыбыз 100 балл җыйнап диплом һәм истәлекле бүләкләргә ия булдылар.

        Бүген    имтиханга   әзерләнүче 9 һәм 11 класс өчен   "Кеше анатомиясе һәм физиологиясе" темасы буенча видеоәңгәмә булды. Укучыларга БДИ  да очраган авыр сорауларны  профессиональ педагоглар аңлатты.Әңгәмә укучылар өчен күп мәгълүмат бирде.

     Бүген, иртәнге беседада  8, 10 класс укучылары өчен химия укытучысы Фатхрахманова Л.Ш. "Тәмәке- сәламәтлек дошманы" дип исемләнгән чара уздырды. Чарада укучылар тәмәкенең организмга тәэсире турында видеофильм карадылар, тәмәке тартуга карата үз фикерләрен әйттеләр, тәмәкегә каршы антиреклама уйлап чыгардылар.

 2016 ел- Татарстанда сулыкларны саклау елы уңаеннан биология-география укытучысы Хадиева Р.Р.  6-8 класслар өчен телдән журнал уздырды. Чарада сулыкларның әһәмияте, су белән булган проблемалар хакында сөйләнде, Татарстан сулыклары турында информация бирелде, Россия күләмендә узган " Хранители воды"акцииясе хакында сөйләнде. Әлеге чарада укучылар үзләренең сулыкларны саклау буенча үз тәкъдимнәрен җиткерделәр.

        Бүген, табигать фәннәре атналыгы кысаларында химия һәм биология фәннәренең бәйләнеше буенча интеллектуаль уен үткәрелде. Уенда укучылар химия һәм биология фәннәре буенча  бик күп яңалыклар алдылар.

     Бүген мәктәптә табигать фәннәре атналыгы башланды. Каникуллардан  ял итеп килгән укучыларны күптөрле эшчәнлек көтә: кызыклы очрашулар, күңелле мероприятиеләр, ачык дәресләр, төрледән төрле конкурслар... Атналык кысаларында биология - география укытучысы Хадиева Р.Р. үткәргән ачык дәрес барлык укучыларда һәм дәрестә катнашкан укытучыларда матур тәэсирләр калдырды.5 класста географиядән "Африка" темасына үткән дәрес Федераль дәүләт белем бирү стандартлары нигезендә оештырылган иде. Укытучы җитәкчелегендә укучылар үзләре мөстәкыйль уку материалын үзләштерделәр, универсаль, коммуникатив, шәхси уку гамәлләре формалашты.  Атналыкта барлык чараларда укучыларның актив катнашуын көтеп калабыз. 

30 мартта Арча мәгариф идарәсендә мәктәп китапханәчеләренең киңәшмәсе үтте. Методист Гөлфирә Кәнәфиевна 2016-2017 нче уку елына дәреслекләргә бирелгән заказлар буенча чыгыш ясады. Китапханәчеләрне борчыган мәсьәләләр буенча фикер алышу булды.

     Бүген табигать фәннәре атналыгы кысаларында 10-11 класс укучылары өчен "БДИга ничек әзерләнергә"дип исемләнгән практикум булды. Укучылар биология буенча БДИне бәяләү критерийлары белән танышты, катлаулырак мәсьәләләрне бергәләп чишеп,аларны дөрес итеп язарга өйрәнде.

     Мәктәптә робототехника түгәрәгенә бик яратып йөргән укучылар күп. 7 класс укучысы Набиев Д. каникулның 1 көнен дә бушка уздырмый,  көн  саен мәктәпкә килеп укытучысы Нуриҗанов Э.Т. белән берлектә төрледән төрле робот элементлары ясый, аларны сынап карый. Тырышлыгың бушка китмәс, Данис, синең бу өлкәдә яңа үрләр яулавыңны телибез!