Бүген - Халыкара рәхмәт әйтү көне. Бу уңайдан укучыларга көннең әһәмияте , көн дәвамында иң итагатьле укучыларны ачыкларга мөмкин булу аңлатылды. Дәресләрдә, тәнәфесләрдә укучылар бер-берсе белән матур сүз әйтү, тагатьле булуда көч сынаштылар. Дәресләр тәмамлангач, укучылар иң итагатьле балаларны билгеләделәр. Бу исемлектә 5 класс укучысы Вафина Гүзәлия, 6 класс укучысы Ахмадуллин Ильнур, 8 класс укучылары Гумеров Ильназ, Галаветдинов Ильгиз, Саетгараев Рәис, 9 класс укучысы Зайнуллин Данил исемнәре бар.

   2016 ел - су тирәлеген саклау елы буларак игълан ителде. Шушы уңайдан мәктәп китапханәсе-авыл китапханәсе берлеге класстан тыш чара үткәрде. Авл китапханәсе җитәкчесе В.Мустафина су, аның тереклек өчен әһәмияте турында кызыклы материаллар белән чыгыш ясады. Биология-химия укытучысы Ә.Ә.Вафина укучыларны суның үзлекләре белән таныштырды. Мәктәп китапханәчесе Ф.Ф.Хабибуллина кызыклы сорауларга җаваплар алды, корссворд чиштерде. Кичә файдалы узды.

  Малай халкы кыш көне бозда шуарга, хоккей уйнарга ярата. Буш вакытларында алар Ашыт елгасының иң киң урынын чистартып, менә дигән шугалак ясадылар!

   Кышкы каникуллар дәвам итә. Укучылар ял итә, спорт ярышларында катнаша, ОГЭга әзерләнә. Бүген 4 укучы ГТО нормативлары тапшыру өчен Арча шәһәренә, бер төркем укучылар Яңа Кенәр мәктәбенә волейбол ярышларына әзерләнергә китте, 9 класс укучылары рус теленнән ОГЭга әзерләнә. Каникуллар файдалы уза.

   9 класс укучылары өчен "кызу" көннәр. Бүген математикадан, 6 январь көнне рус тедле фәненнән сынап карау имтиханнарында катнашачаклар. Бу имтиханнар нәкъ май аенда узачак имтиханнарга охшаган булачак. Укучылар узлрен сынап карап, белемдәге "төшеп калган темаларны" ачыклый, нәтиҗә чыгара алачак.

"SаMоSтоятельные дети" проекты укучылары өйдә укучы бала - Хакимов Ильсафта кунакта булдылар. Иртәгә Ильсафның туган көне. Балалар Ильсафны туган көне, Яңа ел белән котладылар, күчтәнәч тапшырдылар, хәлен сораштылар, сөйләшеп утырдылар.

   29 декабрь көнне рус теле фәне буенча Бөтенроссия укучылар олимпиадасының муниципаль этабы узды. Мәктәптән 3 укучы катнашты, 2 се зур уңышка иреште - призер булды. 2 класс укучысы Гараев Исхак һәм 3 класс укучысы Фәттеров Фәнгизләр ирештеләр бу уңышка.  Фәттеров Фәнгизнең икенче призлы урын явлавы инде!

    Бүген Мәмсә балалар бакчасында чыршы бәйрәме узды. Балалар чыршы тирәсендә уйнадылар, җырладылар, биеделәр. Балаларны котларга Кыш бабай килде. Ул балаларны бәйрәм белән котлады, чыршы тирәли әйлән-бәйлән уйнатты, бүләкләр өләште.

   9 класс укучылары өчен каникуллар ОГЭга әзерләнү өчен бик уңайлы вакыт. Чөнки бар вакытны ОГЭга әзерләнү өчен бирергә мөмкин. Бу мөмкинлекне мәктәп укучылары кулдан ычкындырмаска булдылар: рус теле фәненнән консультациягә җыелдылар.

   Каникулның беренче көнендә авыл китапханәсендә башлангыч класс укучылары өчен "Тукай әкиятләрен яратабыз!" темасы астында кичә узды.