Көзге табигатьнең гүзәллегенә  кемнәр генә сокланмый икән! Табигатьтәге үзгәрешләрне карап, агач яфракларындагы сихри төсләрне күзәтеп башлангыч класс укучылары көзге экскурсиядән бик канәгать калдылар.  

2015-2016нчы уку елының чираттагы атналык линейкасы башланып китте. Яңа уку елына уку-укыту, тәрбия максатлары, бурычлары куелды.

2015-2016 нчы уку елының яңалыгы булган иртәнге зарядканы, башлангыч класс укучылары бик яратып кабул иттеләр һәм 
 беренчеләрдән булып башлап җибәрделәр  

"Игелек кыл" атналыгы кысаларында башлангыч класс укучылары гөлҗимеш җыеп  узләре шефлык иткән  әби-бабайларына кучтәнәч әзерләделәр. 

Бүген мәктәбебездә эвакуация уздырылды. Балалар бердәм рәвештә тиешле урынга мәктәптән чыгып тезелделәр. Аларга мәктәптә янгынга каршы көрәш кагыйдәләре кабат аңлатылды.

3 сентябрь- Россиядә Терроризмга каршы көрәштә бердәмлек көне буларак билгеләп үтелә. Явызлыкка юл куймау дөнья җәмәгатьчелегенең катлаулы бурычларының берсе. Бүген мәктәбебездә Ватаныбызның бөтенлеген, тынычлыгын саклау , терроризмның һәртөрле күренешләренә каршы тору-безнең бурычыбыз икәнлеген укучыларга кабат искәртелде.

2015-2016 нчы уку елының беренче дәресе "Мин-талантлы" темасына багышланды. Һәр класста бу темага мавыктыргыч, кызыклы әңгәмәләр уздырылды.

Бүген бездә сөенечле вакыйга-мәктәбебез ныклап төзекләндерелгәннән соң  кабат үзенең ишекләрен ачты. Авылыбызда мәктәп ачылу  тантанасы безне генә түгел авылыбыз халкын да сөендерде. Бу бәйрәмдә килгән кунаклар, ветеран укытучылар, әти-әниләр үзләренең җылы сүзләрен җиткерделәр.

Бүген районыбызда мәктәпләр ярминкәсе гөрләде. Мәктәбебез Арча халкын мәктәп яны тәҗрибә участогында үстерелгән мул уңыш белән шатландырды.