Мәктәп коллективы һәм укучылар карлыган җыя.

Укучылар һәм укытучылар хезмәте белән мәктәп яны тәҗрибә участогында  карлыган  төпләре чүп үләннәреннән арындырылды, чәчәклекләр  үзгәртелде.

Укучылар хезмәте белән мәктәп яны тәҗрибә  участогында эш кайный. Алар тырышлыгы белән түтәлләргә, чәчәклекләргә су сибелә, чүп утала.

Җәйге "Кояшкай" лагерена йөрүче балалар төрле музейларга, Казанга, Арчага сәфәр чыктылар. Үзебезнең тирәлектәге табигатьтә күңелле уеннар уйнап чыныктылар.

25 нче май мәктәбебездәге 9 нчы сыйныф укучылары өчен аеруча истәлекле, чөнки бүген алар өчен бу мәктәптә  "Соңгы кыңгырау" чыңлый. "Соңгы кыңгырау" бәйрәменә мәктәпкә  килгән кунаклар, әти-әниләр, ветеран укытучылар, мәктәптә укыткан укытучылар үзләренең теләкләрен 9 нчы сыйныф укучыларына юлладылар. Зур уңышлар,  сезгә, укучылар. Бәхетле булыгыз!!!

Укучыларны Варис сафына  кабул итү максатыннан 4 нче класс укучылары "Мирас юлы" программасы белән таныштылар.

Быелгы Вариска керү аеруча истәлекле, чөнки Татарстан пионериясенең  90 еллыгы уңаеннан мәктәбебездәге 1-7 нче  сыйныф укучылары табигатькә экскурсиягә чыктылар.  

Иң элек 1 нче сыйныфта укучы "Сәйлән" группасы "Карлыгач " сафына, 4 нче сыйныфта укучы "Тамчы" группасы- "Варис " сафына кабул ителделәр. Соңыннан милли уеннар, спорт уеннары уйнадылар. Кыскасы укучылар күңелле ял иттеләр. 

Бүген Утар-Аты авылында Бөек Җиңүнең 68 еллыгы уңаеннан 8 нче класс укучылары көче белән "Батырларның даны мәңгелек!"-дип исемләнгән әдәби музыкаль кичә уздырылды. Тыл ветераннары белән берлектә һәйкәл янына Ватан өчен яу кырында ятып калучы солдатлар истәлегенә веноклар куелды.

Бүген мәктәп янындагы чәчәклектә күмәк көч ярдәмендә җирне казып, йомшартып яшь үсентеләр утыртылды, сулар сибелде.

Мәктәп бакчасында карт алмагачларны кисеп төпләүдә укытучылар белән бергәләп әтиләр дә эшләделәр. Ярдәмгә килүегез өчен бик зур рәхмәт, сезгә, әтиләр!