Татар теле һәм әдәбияты укытучыларының район күләмендә үткәрелә торган «Татар теле укытучысы - 2013»  бәйгесендә мәктәбебездән Касыймова Зөһрә Габбас кызы катнаша. Уңышлар сиңа хөрмәтле коллегабыз!!!

Яшелләндерү, яшь агачлар утырту, авылыбызны ямьләндерү-киләчәгебез. Шул максаттан чыгып мәктәбебездәге укытучылар мәктәп тирәсенә яшь агачлар утырттылар. Бу агачларны карап, сулар сибеп үстерү һәркемнең үз бурычы. 

Бүген Утар-Аты төп гомуми белем мәктәбе укучылары көче белән авылда өмә оештырылды.

 27 нче апрельдә районыбызда сөекле шагыйребез Г.Тукайның 127 еллыгы билгеләнеп үтелде. Районыбыз җитәкчесе А.Ә.Нәзиров тарафыннан беренче тапкыр мәктәп укучылары арасында әдәбият һәм сәнгать өлкәсендә ирешкән уңышлары өчен Габдулла Тукай исемендәге премия булдырылды. Ниһаять,  районыбызның беренче лауреатлары билгеле булды. Алар арасында безнең мәктәптән 9 класс укучысы Гөлнур Гайфуллина да бар.

“Бу олы бүләккә лаек булуыма минем укытучыларымның, мәктәп дирекциясенең өлеше зур. Хөрмәтле укытучыларым! Сезгә олы рәхмәтемне белдерәм. Сезгә эшегездә зур уңышлар, сәламәтлек, бәхет-шатлык телим”- ди Гөлнур.

 26  апрельдә  9 класс укучысы Гайфуллина Гөлнур  V Бөтенроссия “Илһамлы каләм”әдәби әсәрләр конкурсында катнашты.Ул “Композицион осталык” номинациясендә уңышка ирешкәне өчен диплом һәм  КФУның , “Мәдәни җомга” газетасының истәлекле бүләкләренә  ия булды.

24 нче апрель көнне  Арча  укучылар  сараенда “ Табигать  балалары” республика конкурсына йомгак ясалды.  Мәктәбебездән төрле номинациядә укучыларыбыз көч сынашты. Нәтиҗәләребез куанычлы: 8 укучысы Рәзил Камалов шигырь номинациясендә 2 дәрәҗә дипломга, Шәяхмәтов Фәннур, Гайфуллина Гөлнур, Вәлиев Фәзаил, Вәлиев Сәгыйть, Хәкимова Рәзинә, Хәкимҗанова Язилә, Хисматуллина Руфия, Сафин Әмир конкурсның таныклыкларына ия булдылар .Ә җитәкче укытучылары Рәхмәт хаты белән бүләкләнде.

 19 апрельдә  Яңа Кырлай   урта мәктәбендә   Габдулла Тукай   мирасын өйрәнүгә  багышланган «Без –Тукайлы халык»  III республикакүләм    Габдулла Тукай  укулары  булып  узды. Тукай  укуларында  безнең  мәктәптән  Камалов Рәзил  ( 8 класс), Гайфуллина Гөлнур (9  класс ) катнашты. Алар уңышлы  чыгыш ясап, Татарстан   Республикасы  Мәгариф  һәм фән  министрлыгының  дипломнары  белән бүләкләнделәр.

Районыбыз башлыгы  Алмас Аминовичка рәхмәтебезне җиткерәбез. Укучыларыбыз ел буе, бушлай, иркен, җылы, уңайлы бассейнда су коеналар, йөзү сәлатләрен үстереп, физик яктан чыныгып үсәләр!

Без 7 нче сыйныф укучылары  12 нче апрельдә мәктәбебездә "Галәмдә кеше! Кеше Галәмдә!" дип аталган, Космонавтика көненә багышланган монтаж  куйдык.

Кичә Арча шәһәрендә төп гомуми белем мәктәпләре арасында оештырылган шашка ярышында безнең мәктәп укучылары командасы 1 нче урынны алып кайттылар. Әфәрин егетләр һәм кызлар!