Мәктәбебездә    “Язгы  изгелекләр  атнасы” дәвам итә.  Бүген “Мәрхәмәтле сүзләр”  көне.  Көннең  девизы  шундый:

Мәрхәмәтле булыйк олыларга

Миһербанлы булыйк кечегә.

Яхшы сүзебезне кызганмыйк без

Дөньядагы һәрбер кешегә.

   Башлангыч  классларда  “Син ягымлы сүзләр беләсеңме” дигән темага  тәрбия сәгатьләре,  5- 7 нче  классларда  “Мәрхәмәтле булыйк!” 8 – 9 нчы классларда  “Ягымлы сүзләрне   еш әйтәбезме?”  дигән  диспутлар үткәрелде. Әңгәмәләр  барышында  шулай ук табигатькә, хайваннарга да мәрхәмәтле булырга кирәклеге әйтелде. Табигатьне пычратмас өчен без нәрсәләр эшләргә һәм нәрсәләр эшләмәскә кирәклеге турында сөйләшенде.Әби-бабаларыбызга, әти-әниләребезгә, туганнарыбызга, иптәшләребезгә ягымлы сүзләрне  ешрак әйтергә кирәк, табигатьне саклау-  безнең изге бурычыбыз  дип йомгак ясалды.  

"Весенняя неделя добра-эстафета добрых дел" акциясе үз эшен дәвам итә. Бүген мәктәбебез  укучылары Бөек Ватан сугышында катнашкан ватандашларыбызны хөрмәтләү йөзеннән "Георгий ленталары"   өләшә башладылар. Шул ук  вакытта  тимурчылык эшен   дә дәвам  иттеләр. 

Китапханәче Корбангалиева Ф.укучыларга "Әкиятле балачак"дигән викторина үткәрде.Соңыннан укучылар яңа китаплар белән таныштылар.

Сегодня в нашей школе стартовала эстафета добрых дел   #ДОБРЫЙТАТАРСТАН.  

Класс җитәкчесе  Г. Р. Вәлиева    6 нчы класс укучылары белән    "Тукай яши безнең йөрәкләрдә"  дигән темага класс сәгате  үткәрде.

17 нче апрель көнне  "Казан арты" тарих-этнография музееның актлар залында "Моңлы сазым" әдәби-музыкаль кичәсе булып узды.Кичәнең максаты - укучыларда сөекле шагыйребез Габдулла Тукай иҗатына мәхәббәт һәм әдәби иҗатка кызыксыну тәрбияләү иде.Музейга килгән  укучылар Г.Тукайның шигъри әсәрләрен укыдылар, җырларын башкардылар.Безнең мәктәптән 8 нче класс укучысы Әхмәтҗанова Илүзә Габдулла Тукайның  "Ана догасы" исемле шигырен тәкъдим итте."Моңлы сазым" әдәби-музыкаль кичәсендә катнашучы укучыларга дипломнар тапшырылды.

"Чисталык  икеайлыгына" кушылып,   мәктәбебезнең барлык укучылары, укытучылары, хезмәткәрләре өмәгә чыктылар.

Бүген 4 класс укучылары  "Балалар мәйданчыгы" темасына проект эше башкардылар. Үз эшләренә нәтиҗә ясадылар.Әлеге чара барышында укучылар төркемнәрдә эшләү күнекмәләрен камилләштерделәр, үз фикерләрен төгәл һәм аңлаешлы итеп җиткерә белүләрен күрсәттеләр, компьютер технологияләрен актив кулландылар.

15 нче апрель көнне 4  нче  класс  укучылары    Республика күләмендә үткәрелгән белем бирү сыйфатын  бәяләү мониторингында катнаштылар. 

14 нче апрель көнне Бирәзәбаш авылы китапханәчесе Корбангалиева Филсинә Иске-Йорт башлангыч мәктәбе укучылары белән очрашты, кошлар турында әңгәмә үткәрде,табышмаклар чиштеләр.Укучылар канатлы дусларыбыз турындагы яңа китаплар белән таныштылар.