Аптекаларда  даруларның  ниндиләре  генә  юк. Аеуча  чит  илләрдән   кертелгән  препаратлар бихисап. Ә  бәяләре,  бик  кыйммәт, якын  килерлек түгел. Әле  ярый  файдасы  тисә!? Ә бит  әби-бабаларыбыз  элек-электән үләннәр белән дәваланганнар. Үзебездә  җитештерелә  торганнары  да  нәкъ менә шул  үләннәрдән  ясала, файдасы  да  бар. Район  мәктәпләренә  дару  үләннәре  җыю өчен норматив  билгеләнде. Укучыларыбыз  бүгенгесе көндә  каен һәм  нарат  бөреләре  җыя.

С 18 марта 2015 года по 30 ноября 2015 года проводится республиканский Конкурса "it-чемпион - 2015".
6 учеников из Арского района, набравшие больше всего баллов, получат планшетный компьютер. 
Этапы проведения Конкурса:
первый этап – с 18 марта по 31 июля 2015 года;
второй этап – с 01 августа по 30 ноября 2015 года.
Начисленные баллы участник конкурса может посмотреть в своем личном кабинете на edu.tatar.ru<https://edu.tatar.ru/logon>

Бүген 9 нчы класс укучылары татар теленнән сынап карау рәвешендә Бердәм республика тестын үттеләр. (фото архивтан алынды)

Язгы чорда сулыкларда куркынычсызлык таләпләрен үтәмәү аркасында суда уннарча кеше, шул исәптән балаларның гомере фаҗигале төстә өзелә.     Кичке һәм төнге вакытта боз зур булмаган авырлыкны чыдата, ә көндезләрен көпшәкләнә, йомшаклана. Караңгыда, күз күреме начар булганда боз өстеннән чыгу куркынычка әйләнә. Бер кеше өчен бозның калынлыгы 7 сантиметр булганда куркынычсыз, ә җәяүле­ләр чыгу урыннарында ул – 15, автомобильләргә – 30 сантиметрдан ким булмаска тиеш. Ныклы боз – үтә күренмәле, яшкелт яисә зәңгәрсу төстә булырга тиеш, ә нәзек боз – тонык була, өстендә кар булган боз да куркыныч. Ул агым булган, камышлар үскән җирләрдә нә­зегрәк. Бозның калынлыгын аяк белән тибеп тикшерергә ярамый, таяк яи­сә пүлән белән суккач су чыкса, димәк, боз өстендә йөрергә ярамый. Боз аша чыгу өчен тапталган сукмакны яисә чаңгы эзен сайларга кирәк. Аяк астыгызда боз чатнаса, аякны боздан аермыйча, аларны җилкә киңлегендә ку­еп, үзегез кергән эздән ярга чыгыгыз. Төркем бе­лән боз аркылы чыкканда кешеләр арасында ара 5- 6 метрдан ким булмаска тиеш. Көтелмәгән хәл­ләрдә 01 телефоны аша янгын сүндерү-коткару хезмәтенә, 02 – полициягә, 03 – ашыгыч ярдәмгә,(843)227-46-46 телефоны аша Россия Гадәттән тыш хәлләр министрлыгының ТР буенча өлкән оператив дежурына, (843)293-49-95 ТР Сәла­мәтлек саклау министр­лыгының һәлакәт­ләр Республика медицина үзәге оператив дежурына, (843)272-43-12 ТР Гадәт­тән тыш хәлләр министр­лыгының эзләү-коткару хезмәтенә, 112номеры аша коткару хезмәтенең бердәм телефонына шал­тыратырга мөмкин.

Өстәмә түгәрәкләр каникул  көннәрендә дә үз эшчәнлеген дәвам итте. "Күңелле сәхнә"түгәрәгенә йөрүче укучылар түгәрәк дәресендә кызыклы әсәрләр белән танышалар һәм сәхнәләштерәләр.

         Бүген  Төбәк - Чокырча  урта мәктәбе - "АСОШ  №7"  базасында "Преобразование обучения в XXI веке: развитие культуры мышления"  темасына сингапур   укулары үтте.  Укуларда безнең мәкәп коллективы да бик теләп катнашты.Тренерлар - Л.М. Гатауллина,Гатиятова Г.И. һәм   Г.Х. Феоктистова  критик фикерләүнең принципларын аңлаттылар, сигез фикерләү тибын сингапур структуралары ярдәмендә күрсәттеләр,фикерләү культурасы асылына төшендерделәр. Эшлекле аралашу, эчтәлекле  презентацияләр, тренерларның материалны оста , аңлаешлы , кызыксындыра торган  итеп бирүләре өчен  барлык тренерларга зур рәхмәтебезне җиткерәбез! 

Бүген бер төркем укучылар Яңа Кырлай авылында булып узган "Нәүрүз"  бәйрәмендә катнаштылар. Милли традицияләрнең безнең як тарихы белән бәйле театрлашкан тамаша караганнар. Төрле уеннарда катнашканнар, музейда булганнар. .

26 нчы март көнне  авылларда  "Баланың физик, психик, мораль һәм социаль сәламәтлеге"  темасына  ата-аналар җыелышы үтте.Шулай ук, әти-әниләрне чирек нәтиҗәләре  һәм  9 нчы класс  укучылары өчен ТДИ (ОГЭ) яңалыклыклары  белән таныштырдык.

Каникул көннәрендә  дә  9  нчы  класс укучылары белән   график нигезендә  имтиханнарга әзерлек дәвам  итә.

Татар теленнән үткәрелгән Халыкара  "ТатарТелеИнфо"  олимпиадасында җиңү яулаган укучыларыбыз  Хадиева  Эльвира, Җамалиев Рәзил ( 7 класс)  һәм 5 нче  класс  укучысы  Шакиров  Ильсафны (укытучылары  -  Л. М. Гарипова) ихлас  күңелебездән котлыйбыз, киләчәктә дә уңышлар телибез!