Күшәр төп белем мәктәбенең Хәйруллин Зөлфәт исемендәге балалар оешмасы членнары Әфганистанда хәрби бурычын үтәгән вакытта батырларча һәлак булган авылдашыбыз Хәйруллин Зөлфәт Зөфәр улының каберен кардан чистартып, чәчәкләр куйдылар.

Бүген татар теле һәм әдәбияты укытучысы, мәктәп һәм авыл китапханәчеләре тарафыннан оештырылган, герой шагыйрь "М.Җәлил тууына 112яшь",- дип исемләнгән викторина һәм сәнгатьле шигырь укучылар бәйгесе үтте.

28 нче декабрь көнне районда Эрудит уенында безнең Күшәр мәктәбе укучылары актив катнашып кайтты.

Бүген беренче сыйныф укучылары өчен зур бәйрәм. Алар Әлифба китабы белән саубуллаштылар. Шул уңайдан укучылар, сыйныф җитәкчеләре Вәлиева Гадения апалары белән “Әлифба бәйрәме” уздырдылар.

Патриотик тәрбия айлыгы кысаларында, Әфганстанда һәлак булган авылдашыбыз Зөлфәт Хайруллин һәм интернациональ бурычларын үтәп, туган якларына исән-сау әйләнеп кайткан Шакиров Илдар, Аскаров Ирек хөрмәтенә "Хәтер көне" уңаеннан тәрбия сәгатьләре үткәрелде. 

14 февраль көнне "Гашыйклар көне"нә багышланган кичә уздырылды. Чарада узган ярышларда укчылар бик актив катнаштылар.

13 февраль көнне Әтнә мәктәбенең актлар залында "Замечательный вожатый" конкурсының район этабы узды.Безнең мәктәпнең 8 нче сыйныф укучысы,активисты,Рәхимҗанова Нәзилә дә бу бәйгедә көч сынашты. Бәйге бик җанлы узды:әйдәманнар эссе яздылар,үз эшчәнлекләре белән таныштырдылар,тестлар эшләделәр,группалар белән төрле чаралар үткәрделәр. Нәзилә сертификат белән бүләкләнде.

Бүген 10 нче февраль көнне "Лыжння Татарстана" кысаларында массакүләм ярыш булып узды. Әлеге бәйгедә мәктәбебезнең барлык укучылары, укытучылары бик актив катнашты. Барлык катнашучыларга уңышлар теләп калабыз.

Бүген мәктәбебезнең иң актив, булган укучыларын "Юнармия" сафларына кабул иттеләр.