Башлангыч сыйныфлар атналыгының чираттагы бәйгесе булып узды. Укучылар русча "Головоломка" ("Башваткыч") уенында катнаштылар. Бәйге "Наши леса" дигән тема астында узды. Алар урманыбыздагы төрле агачлар, куаклар, чәчәкләр һәм үсемлекләрнең русча атамаларын искә төшерделәр. Уенның төп җиңүчесе - 4 нче сыйныф укучысы Садретдинова Лилия. Афәрин,Лилия!!!

Елдагыча "батырлык айлыгы кысаларында" мәктәбебездә Аҗаган хәрби-патриотик уены узды. Укучылар "Кызыл" һәм "Яшел" командаларына бүленеп, хәрби-кыр шартларында көч сынаштылар...Нәтиҗәдә Хәкимҗанов Айзат җитәкчелегендәге "Кызыллар" командасы җиңү яулады.

Атналыкның 5 нче көнендә үткән кичәдә җиде могҗиза белән таныштырылды. Һәр могҗиза турында укучылар чыгыш ясады. Чыгышлар презентация белән тулыландырылды. Шулай ук Сибагатова Э. хәзерге вакытта җиде могзиҗа исемлеге белән таныштырды. Укучылар кызыклы мәгълүматларга ия булдылар.

«Тел белемнең ачкычы, акылның баскычы”дип аталган КВН ана телен шомартуга, сүзлек хәзинәсен арттыруга, сөйләгәндә һәм язганда ана телен оста файдалануга юнәлдерелгән иде. КВН  Г.Тукайның “Туган тел” җырын башкару белән тәмамланды.

Бүген “Знаешь ли ты английский язык?” исеме астында викторина үтте. Алфавит буенча сүзләр төзү, саннар атау, иҗекләрдән сүзләр ясау, диалог төзү, график рәсем ясау кебек уеннарда  укучылар тырышып ярыштылар.

Укучылар 23 февраль - Ватанны саклаучылар көненә багышланган рәсемнәр ясадылар

Башлангыч сыйныфлары атналыгының 1 нче көне-атналыкның программасы белән таныштырудан башланып китте. “Математика серле дөнья! “ дип аталган КВН да “Пифагор һәм Архимед”командалары катнашып, “Архимед” командасы җиңүче булды. 

20 нче февраль көнне татар теле һәм әдәбияты укытучысы, авыл китапханәчесе тарафыннан “Халыкара туган тел” көненә карата оештырылган сәнгатьле шигырь укучылар бәйгесе үтте.

Патриотик тәрбия айлыгы кысаларында, Әфганстанда һәлак булган авылдашыбыз Зөлфәт Хайруллин һәм интернациональ бурычларын үтәп, туган якларына исән-сау әйләнеп кайткан Шакиров Илдар, Аскаров Ирек хөрмәтенә тантаналы линейка үткәрелде, стенд ясалды.

Бүген 14 нче февраль көнне "Лыжння Татарстана" кысаларында массакүләм ярыш булып узды. Әлеге бәйгедә мәктәбебезнең барлык укучылары, укытучылары бик актив катнашты. Барлык катнашучыларга уңышлар теләп калабыз.