Бүген татар теле һәм әдәбияты укытучысы, мәктәп һәм авыл китапханәчеләре тарафыннан оештырылган, герой шагыйрь "М.Җәлил тууына 110 яшь",- дип исемләнгән викторина һәм сәнгатьле шигырь укучылар бәйгесе үтте.

11 февраль  көнне 1 нче сыйныфларда Әлифба бәйрәме үткәрелде. Балалар шигырьләр, җырлар өйрәнделәр, белемнәрен күрсәттеләр. Ата-аналар, кунаклар бик канәгать калдылар.

Бүген 5-9 нчы сыйныф укучылары "Парламент" дәресләре кысаларында район Советы депутаты Рәхимҗанова Гөлүсә Илдар кызы белән очраштылар.

Бүген мәктәп күләмендә чаңгы ярышы булды. Башлангыч, урта, югары сыйныфларда җиңүчеләр билгеләнде.

Мәктәбебезнең 9 нче сыйныф укучысы Сәмигуллин И. (җитәкчесе - Аскаров Ф.М) технология фәне буенча уздырылган олимпиаданың Республика турында катнашты. 3 көн буена сузылган бәйгедән укучыбыз зур җиңү яулап кайтты. Ул - призер! Афәрин, Илзат!

2 нче февраль көнне 4 нче сыйныфларда бик күңелле булды. Алар сыйныф җитәкчеләре Шәрәфетдиноа А.Ф.белән "Туган көнем белән" дигән кичә үткәрделәр. Укучылар кызыклы уеннар, викториналардан соң тәмле чәй табыны артында дәвам  иттеләр.

Бүген мәктәбебезнең егетләр командасы районда узган баскетбол ярышында чыгыш ясап кайтты.

"Ел укытучысы -2016" республика конкурсының мәктәп турында тарих һәм җәмгыять фәннәре укытучысы Сафарова З.Г. җиңү яулады. Хезмәттәшебезне котлыйбыз һәм район этабын да уңышлы үтүен телибез.

Мәктәбебездә "Сыйныф җитәкчесе - 2016" конкурсы үтте. Бу исемгә мәктәбебезнең татар теле һәм әдәбияты  укытучысы Самигуллина С.Ш. лаек булды.

27 гыйнвар көнне Күшәр мәктәбендә физика укытучылары өчен район семинары булып узды.Семинарда физика укытучысы Нуриев Г.Ф. 9 нчы сыйныфта физика фәненнән ачык дәрес үткәрде.