Мәктәбебездә шахмат түгәрәге һәрвакыт эшләп тора. Түгәрәккә йөрүче укучылар дәресләр беткәч шахмат уйнарга Асфанов Илшат абыйлары янына бик теләп җыйналалар.

Мәктәбебездә ел сыйныф җитәкчесе конкурсының җиңүчесе Сәгдиев Динар Илдар улы булды һәм аның эше районкүләмендәге үткәреләчәк ел сыйныф җитәкчесе конкурсына тапшырылды. Аңа уңышлар юлдаш булсын!

Яңа Шашы мәктәбенең тарих һәм җәмгыять белеме укытучысы Закиров Илшат Газим улы Казан шәһәрендә "Парламент дәресләр"е укуларында булып кайтты һәм мәктәбебездә парламент дәресләре үткәрде өлкән сыйныф укучыларына.

Яңа Шашы мәктәбенең балалар һәм яшүсмерләр"Ялкын" оешмасы укучылары тарафыннан чыккан "Озын тәнәфес" мәктәп  газетасы конкурста катнашып сертификат белән бүләкләнде.

5-6 нчы сыйныф укучылары ОБЖ укытучысы Асфанов Илшат Илдар улы белән районыбыздагы "Веселые старты" ярышында 1 нче урын алганнан соң , Саба районында катнашып кайтып шул ук ярышта республика буенча 3 урын алдылар. Кубок һәм медальләр алып кайттылар. Афәрин укучылар һәм Илшат Илдарович.

Менә соңгы көннәр дә якынлашты. Сау бул , лагерь.20 укучы да бик теләп ял иттеләр мәктәп яны лагерында.

Бүген без лагерьга йөрүче укучылар белән  "Таң" күмәк хуҗалыгының фермасына бардык. Анда карусельнең ничек эшләвен күзәттек. 

Бүген дә без ,мәктәп яны лагерында тик тормадык . Бик матур открыткалар эшләдек.

Бүген без барыбыз бергәләп тау шуарга бардык. Саф һавада йөрү сәламәтлеккә бик файдалы.

Яңа Шашы мәктәбенең кышкы мәктәп яны лагерына йөрүче укучылар бүген кышкы матурлыкны үзләренең рәсемнәрендә сәнгать дәресләрендә тасвирладылар.