Илебез тарихында үткәрелә торган зур бәйрәм - Җиңүнең 70 еллыгын каршылау уңаеннан 3 нче сыйныфларда "Батырлык дәресе" үткәрелде. Укытучысы: Әхмәтҗанова А.Ш.

4 нче сыйныфларда "Җиңү килде җирне нурга күмеп" дигән темага сыйныф сәгате үтте. Без анда сугыштан җиңү яулап кайткан авылдашларыбыз турында сөйләштек, аларны хөрмәт белән искә алдык. 

Җиңү килде җирне нурга күмеп, 

Шатлык белән күзне чылатып.

Килде ул көн горур күкрәкләрдә 

Орден - медальләрне чыңлатып.

28 февраль көнне "Аҗаган-2015" үткәрелде. "Аҗаган" хәрби уенында батальоннар арасында ату ярышлары булып узды. Яшь сугышчылар үзләренең төз атуларын күрсәттеләр. "Зәңгәрләр" 120 очко, "Яшелләр" 73 очко җыйдылар. Иң төз атучылар - Галимов Ислам һәм Мостафина Алинә.

Без - 7 нче сыйныф укучылары һәр атнада тыл ветераны Миннегөл апаның хәлен белеп,  эшләрендә ярдәм итеп кайтабыз. Сугыш елларында Миннегөл апа урак ура, көлтә бәйли. Шул ук вакытта грузчик  булып та  эшли. Миннегөл апа - безнең авылыбызның хөрмәтле кешесе.  Без аңа тазалык, озын гомер телибез.

Татар теле һәм әдәбияты укытучысы Габделхакова Р.Г. 6 нчы сыйныфлар белән Җиңүнең 70 еллыгына багышлап  "Бөек Ватан сугышында халкымның батырлыгы" темасына дәрес үткәрде.

5 нче сыйныфлар белән рус теле укытучысы Иванова Н.А.  әти-әниләр өчен ачык дәрес үткәрде. Фикер алышулар вакытында укучыларга бик тырышып рус телен өйрәнергә кирәклегенә басым ясалды. 

Спорт сәламәтлек айлыгының тагын бер матур чарасы - башлангыч сыйныфлар өчен "Мальчиш-Кибальчиш - 2015" уены оештырылды. Укучылар бик тырышып ярыштылар, кайткач тәмле итеп чәй эчтеләр, бәрәңге ашадылар.

Бөек Җиңүнең 70 еллыгы уңаеннан Ватанны саклаучылар көненә багышланган "Әтиләрдә туган ил көче" исемле әдәби-музыкаль кичә үткәрелде Кичәдә патриотик җырлар яңгырады, сугыш чорын чагылдырган тирән эчтәлекле чыгышлар, дәртле биюләр бер-берсен тулыландырып барды. Әтиләр тапкырлык, зирәклек, җитезлектә көч сынашты.

Беренче сыйныф укучылары Галиев Айдар һәм Гыйльметдинов Әлфис әйләнә-тирә буенча дистанцион конкурста катнашып дипломга ия булдылар. 

Җиңүнең 70 еллыгына багышлап үткәрелүче чаралар исемлегендә авылдашыбыз Тәлгать Гыйльванов истәлегенә оештырылган волейбол ярышы да бар.  22 февраль көнне узган ярышта 7 команда катнашты. Беренче урында - полиция хезмәткәрләре, икенчедә - "Студент-1" командасы, өченчедә - "Авыл яшьләре".

Уен мизгелләре һәм протокол белән фотогалереяда таныша аласыз.