Оборона-масса һәм спорт-сәламәтлек айлыгы кысаларында 20 гыйнвар көнне Кышкы кросс-2015 узды. Йөгерештә барлыгы 273 кеше катнашты. 

20 гыйнвар көнне шулай ук әти-әниләр арасында аркан тарту ярышы да үткәрелде.

Кышкы кросста катнашучы иң өлкән кеше - Шакирова Гөлфия апа. Оныклары өчен җан атып яшәүче Гөлфия апа алар белән бергә йөгерешкә чыккан.

Кышкы кросска иң күп катнашучы алып килгән укучы 4 сыныфтан - Шәйхиева Язгөл. Алар барысы 8 кеше катнаштылар.

Кышкы кросста катнашучы иң кечкенә кеше - 2 яшьлек Зиннәтуллина Зилә. Ул абый-апасына көч бирергә килгән.

9 сыйныфлар бүген рус теленннән имтихан эше тапшырып, үзләрен белем өлкәсендә сынап карадылар. Рус теле укытучысы Надежда Анатольевна имтихан барышын ныклы күзәтү астында тотты.

Бөек Җиңүнең 70 еллыгы кысаларында мәктәптә чаралар оештырыла. Бүген укучылар үзебезнең укучыбыз булган, хәзер кинолог булып хезмәт итүче Рахматуллин Шамил Рифат улы белән очраштылар. 

Татар теле буенча дистанцион олимпиадада катнашып 3 сыйныф укучысы Мифтахов Әсхәт диплом белән бүләкләнде.

Оборона-масса һәм спорт-сәламәтләндерү айлыгы бүгеннән старт алды. Айлык кысаларында Гайфуллин Г.Г. укучылар арасында шахмат ярышларын башлап җибәрде.

"Труд" җәмгыяте призына уздырылган көрәш ярышында 6 сыйныф укучысы Аскаров Нияз 2 нче урынны яулады.