Мәктәпкә хәзерлек һзм зурлар төркемендә тәрбияләнүче балалар театр көне уңаеннан нәниләр һәм уртанчылар төркеме балаларына "Шалкән" әкиятен курчаклар белән сәхнәләштереп күрсәттеләр. 

Яз килә! Яз килә!

Сыерчыклар килә.

Гөрләшеп, сайрашып,

Җырчы кошлар килә.

Иркәли язгы кояш,

Барсы елмая, көлә.

Һәммәбезгә саулык, ак бәхетләр теләп,

Нәүрүз бәйрәме килә.

Уртанчылар төркемендә тәрбияләнүче балаларның әтиләре төркемгә үсентеләр утырту өчен тартмалар ясап бирделәр. Барлык хезмәткәрләр һәм балалар исеменнән аларга зур рәхмәтебезне белдерәбез һәм җәй көне шушы тартмаларда үскән чәчәкләр белән бакчабызны бизәп, аларны сөендерербез.

Уртанчылар төркеме балалары тәрбиячеләре Зөлфия Нургаян кызы белән суган утырттылар.  Тәрбиячеләре балаларга суганның файдалы якларын, аны тәрбияләп үстерү серләренә өйрәтә.

Мәктәпкә хәзерлек төркеме балалары рус теле шөгылен көтеп алалар. Тәрбиячеләре Гөлфия Хәйдәровна аларны төрле җирләргә сәяхәткә "алып бара", "Город и транспорт" темасын узганда алар үзләре төзүчеләр булып карадылар, төсле кәгазьдән ябыштырып күп этажлы йортлар "төзеделәр".

Күңелегездә Сезнең кояш яна, 

Нурлы йөзегездә яз яме.

Җирдә яшәү - җырга әверелсен,

Котлы булсын Әни бәйрәме.

I кечкенәләр төркемендә "Әнием - кадерлем..." дигән бәйрәм иртәсе булды. 

Әниләрнең бәйрәменә

Куана шулай алар.

Әниләрне котлый бүген

Җирдә барлык балалар.

6 нчы март көнне уртанчылар төркемендә язның беренче бәйрәме 8 Март - халыкара хатын-кызлар көне уңаеннан бәйрәм иртәсе булды. Балалар әниләрен, әбиләрен, апаларын үзләренең матур шигырьләре, моңлы җырлары, дәртле биюләре белән сөендерделәр. Аларга үзләренең нәни куллары белән ясаган открыткаларын бүләк иттеләр. 

Мәктәпкә хәзерлек һәм зурлар төркемендә әниләр көне уңаеннан "Әнием бердәнберем..." дип исемләнгән театральләштерелгән тамаша булды. Төркемдә тәрбияләнүче балалар үзләрен бар яктан да күрсәттеләр, булачак артистлар икәнлекләрен тагын бер кат исбатладылар.