25 нче декабрь көнне мәктәбебездә ата-аналар җыелышы булып узды. Әлеге җыелышта мәктәбебез директоры - Сибагатуллин Мәлик Тимерхан улы беренче яртыеллык, сынау имтиханнары ОГЭ, ЕГЭ нәтиҗәләре, мәктәп ашханәсендә туклану менюсы белән таныштырды. Алда торган максатлар, куелган бурычлар турында аңлатып үтте.

Тормыш иминлеге укытучысы Рим Фәргатович 8 нче сыйныфта "Беренче ярдәм күрсәтү" темасына ачык дәрес күрсәтте.

Бүген мәктәбебезгә Кыш бабай белән Кар кызы килде. Укучыларга Яңа ел бүләкләре тапшырылды.

21-22нче декабрь көннәрендә, “Балтач” күпфункцияле спорт залында, Балтач муниципаль район башлыгы призына ир-егетләр арасында 24нче тапкыр традицион көрәш ярышлары уздырылды. Бөрбаш мәктәбе егетләре: Галимов Әлфис, Әүхәдиев Ленар янәдән беренчеләр рәтендә. Әфәрин!!!

Мәктәбебезнең җыештыручысы – Гөлфия Әхәт кызы Гарифуллинаның гомер бәйрәме. Гөлфия апа! 50 яшьлек алтын юбилее белән ихлас күңелдән кайнар котлыйбыз. Сиңа озын гомер, бәхет-шатлыклар, җан тынычлыгы, тән сихәте, саулык-сәламәтлек телибез. Кайгы-хәсрәткә бирешми, һаман шулай көчле рухлы һәм ярдәмчел булып кал.

Хезмәт укытучысы Ләйлә Сабировна тарафыннан уткәрелгән "Иң тәмле бутерброд" бәйгесендә җиңучеләр дә билгеле булды.
Кызлар арасында:
1 урын - Мөхәрләмова Динә
2 урын - Вафина Нәргизә
3 урын - Корбангалиева Энҗе
Егетләр арасында:
1 урын - Гарифзянов Дилшат
2 урын - Галимов Инсаф
3 урын - Галимов Әлфис

20 нче декабрь көнне Бөрбаш мәктәбе укытучылары коллективы мәдәният йортында Г.Камалның “Беренче театр” комедиясен куйды.

 

Районкүләм "Ел укытучысы" бәйгесенең Педагогик дебют номинациясендә Усман Наилевич инглиз теленнән ачык дәрес бирде. Усман Наилевичка уңышлар телибез.

Авылыбызның оста тегүчесе Альбина Фазлыева укучы кызларга тегүче һөнәре турында сөйләп, мастер - класс күрсәтте.