15 август көнне Кече Лызи мәктәбе базасында технология укытучыларының август киңәшмәләре булып узды. Киңәшмәдә–“ФГОС таләпләреннән чыгып заманча технология дәресе”темасына Балтач мәктәбеннән Гатиятуллина Р.Г., Алан мәктәбеннән Ахмадуллина Г.Р., Салавыч күппрофилльле лицееннан Калимуллина Г.М. чыгыш ясадылар. Сингапур структуралары буенча тренинг үткәрелде, табигый материаллар белән эшләү буенча мастер –класс күрсәтелде. Кызлар хезмәте укытучыларының методик берләшмәсе җитәкчесе Хайруллина Л.Т., мәгариф идарәсе методисты Бариева Г.Ф. 2013-2014 елда эшләнгән эшләргә йомгак ясап, яңа уку елына бурычлар куйдылар , методик берләшмәнең 2014-2015 елга эш планы кабул ителде.

Көннең икенче яртысында егетләргә технологик белем бирү укытучылары шушы ук мәктәпкә җыйналды.Киңәшмәдә - белем бирүдә заманча технологияләр, ФГОС таләпләреннән чыгып технология дәресенең структурасы, дәреснең технологик картасын төзү, укучыларның иҗади проектлар белән эшчәнлеген оештыру дигән темаларга чыгышлар тыңланды.Пыжмара мәктәбеннән Сулейманов А.Г., Смәел мәктәбеннән Назмутдинов Р.Ф., Салавыч күппрофильле лицееннан Газизов Ф.Р., Арбор мәктәбеннән Гайфуллин Г.Г. чыгыш ясадылар. Түгәрәк өстәл артында һәркем үз фикерен әйтеп, укытучыларны борчыган сораулар уртага салып сөйләшенде. Техник хезмәт укытучыларының методик берләшмәсе җитәкчесе Фаязов Л.А., мәгариф идарәсе методисты Бариева Г.Ф. 2013-2014 елда эшләнгән эшләргә йомгак ясап, яңа уку елына бурычлар куйдылар , методик берләшмәнең 2014-2015 елга эш планы кабул ителде.

Укытучылар Кече- Лызи мәктәбенең хезмәт укыту мастерскойларында булып хезмәттәшләренең эшчәнлеге белән дә таныштылар.