Татар теле һәм әдәбиятыннан IX Халыкара олимпиада җиңүчеләре

20 нче апрельдә  Казан шәһәренең Идел буе дәүләт физик тәрбия, спорт һәм туризм академиясендә тантаналы чарада татар теле һәм әдәбиятыннан IX Халыкара олимпиада җиңүчеләрен бүләкләделәр. Олимпиада 17-20 нче апрель көннәрендә узды, анда 4 чит ил, 27 Россия Федерациясе төбәкләреннән һәм Татарстаннан 500 укучы катнашты.    Призерлар исемлегендә районыбыз укучылары да бар.     Карадуган гимназиясенеӊ 9 нчы сыйныфы укучысы Абдуллина Рәйсә, Түнтәр мәктәбенеӊ 11 нче сыйныфы укучысы Әхмәдиева Гөлназ, Норма мәктәбенеӊ 9 нчы сыйныфы укучылары Шәйхетдинова Алисә, Гатауллина Лина, 10 нчы сыйныфы укучысы Шиһабетдинова Гөлшан  призерлар булдылар. Кызлар Мәгариф һәм фән министрлыгының дипломнары һәм кыйммәтле бүләкләр белән бүләкләнделәр. Аларны зур уңышлары белән котлыйбыз!!!

Татар теле һәм әдәбияты укытучылары  семинары

 19 нчы апрель көнне Яңгул урта гомуми белем мәктәбендә “ФДБС шартларында татар теле һәм әдәбияты дәресләрендә уку грамоталылыгын үстерү”темасына туган (татар) теле һәм әдәбияты укытучыларының  семинары узды. Укытучылар мәктәп музее эшчәнлеге белән таныштылар. Яӊгул мәктәбенеӊ татар теле һәм әдәбияты укытучылары Шәрипова Р. А., Гарипова Х. Н., Хаҗиева Л. М. күрсәткән ачык дәресләрдә булдылар. “Шушы яктан, шушы туфрактан без...” дип аталган җирле шагыйрьләр белән очрашу кичәсендә катнаштылар. Түгәрәк өстәл барышында яңартылган федераль дәүләт белем бирү стандартлары  шартларында “Туган  тел һәм туган телдә әдәби уку”, “Туган тел һәм (яки) Россия Федерациясе республикасының дәүләт теле – татар теле” предметларын укыту үзенчәлекләре каралды.

В Карадуванской гимназии поделились опытом создания инклюзивной среды в школе

19 апреля в МБОУ "Карадуванская гимназия имени Баки Зиятдинова" прошел районный практический с�