Яз, яз, яз җитте,

Тәрәзәне ачтылар.

Тып-тып, тып итә,

Эре эре тамчылар!

Кадерле дуслар!Сезне барыгызны да 1 март яз бәйрәме белән котлыйбыз!Күкләребез аяз, илләребез тыныч, күңелләребез шат булсын! 

Бакчабызда тәрбияләнүче балаларның әтиләре Оста куллар бәйгесендә катнаштылар. Үзләре иҗат иткән кул хезмәтләре күргәзмә оештырылып, шунда урын алдылар. 

Муса Җәлилнең туган көненә багышлап Зурлар - мәктәпкә әзерлек төркемендә әдәби кичә булып үтте. Балалар "Кызыл ромашка" шигырен сәхнәләштерделәр.

Бүген Кечкенәләр - уртанчылар төркемендә Ватанны саклаучылар көненә багышланган бәйрәм иртәсе булып үтте.Балалар үзләренең һөнәрләрен күрсәттеләр.Әтиләр төрле бәйгеләрдә көч сынаштылар.

Бүген бакчабызда Зурлар - мәктәпкә әзерлек төркемендә Ватанны саклаучылар көне бәйрәм иртәсе булып үтте.Балалар әтиләренә үзләренең һөнәрләрен күрсәттеләр.Бәйрәм азагында әтиләр һәм малайлар катнашында төрле конкурслар бәйгеләр үткәрелде.

Коллектив белән чаӊгыга бастык!

Бүген иң кечкенәләрнең икенче төркемендә кышлаучы кошларга ярдәм итик дигэн шогыл әңгәмә үткәрелде. Балалар кошларга җимлекләр куярга, ашамлыклар салырга кирәклегенә төшенделәр.

Бүген бакчабызда зурлар - мәктәпкә әзерлек төркемендә "Озын толым" бәйгесе булып үтте. Кызлар үзләренең нәрсәгә сәләтле икәнлекләрен күрсәттеләр. Төрле конкурсларда катнаштылар.Чәч турындагы белемнәрен җиткерделәр.

Бүген бакчабызда әти-әниләр һәм балалар катнашында саф һавада "Кышкы сәламәтлек ярышлары" булып үтте. Әти-әниләр һәм балалар төрле спорт ярышларында, эстафеталарда катнаштылар.Кунак булып убырлы карчык та килеп китте.Бәйрәм кардан төрле зурлыкта төрле-төрле кар бабайлар ясау белән төгәлләнде. Балалар күңеленә бәйрәм бик хуш килде. Спорттан аерылмыйк, дуслар!Сәламәт тәндә сәламәт рух!

Бүген бакчабызда зурлар-мәктәпкә әзерлек төркемендә кыш айларында туган балаларның туган көннәрен билгеләп үттек. Кунакка клоун да килде. Балалар клоун белән төрле-төрле уеннар уйнадылар, җырлар, биюләр башкардылар.