Рәхмәт сиңа, Кыш бабай,

Безнең белән дус бабай,
Сагынып килеп җиттең,

 Яңа ел бүләк иттең.

Берәр яшькә үстердең,

Һәммәбезгә көч бирдең,
Рәхмәт сиңа, Кыш бабай,

 Безнең белән дус бабай!

Бүген бакчабызда иң кечкенәләрнең икенче төркеме - кечкенәләр төркемендә "Яңа елның ак карлары" дип исемләнгән бәйрәм иртәсе булып үтте. Балалар Кыш бабайга үзләренең һөнәрләрен күрсәттеләр.

Карлар ябалак-ябалак,

    Көннәр-төннәр яңа, ак!

    Бу Яңа ел – иң яңа ел,

    Барсыннан да яңарак!

              Тылсымлы икән Яңа ел –

   Капкасыннан кергәч тә,

   Кинәт кенә үсеп җиттек,

   Үсеп киттек бер яшькә!

              Тик Яңа ел бер үк елда

  Булсын иде берничә.

  Яңа елның берсенә дә

  Калмас идек кермичә!

Бүген Кечкенәләр - уртанчылар төркемендә "Урман аланында Яңа ел!"дип исемләнгән бәйрәм иртәсе булып үтте. Балалар Кыш бабайга үзләренең һөнәрләрен күрсәттеләр. Бәйрәм әти-әниләргә, балаларга бик хуш килде.

Исәнме, чыршы, исәнме,                

Яңа ел килеп җитте.

Күңелле чыршы бәйрәмен

Без бик сагынып көттек.

Бүген бакчабызның Иң кечкенәләрнең беренче төркемендә Чыршы бәйрәме үтте. Балалар Кыш бабай һәм Кар кызына үзләренең һөнәрләрен күрсәттеләр.

Конфет, шоколад өләшә.                                                 

               Бүләк бирә һәркемгә.

               Яңа ел, чыршы бәйрәме

             Булсын иде һәр көн дә.

Бүген Зурлар- мәктәпкә әзерлек төркемендә Яңа ел бәйрәм иртәсе булып үтте. Балалар үзләренең төрле һөнәрләрен күрсәттеләр.

Бакчабызда хезмәткәрләр һәм әти-әниләр ярдәмендә бик матур кар сыннары барлыкка килде.

Бакчабызның алтын куллы кече тәрбиячесе  Апанова Зинфира Рәфхатовна территориябезне матурлауда бик зур өлеш кертә. Балаларга шундый матурлык тудырганыгыз өчен рәхмәт Сезгә!

Бүген бакчабызның зурлар һәм мәктәпкә әзерлек төркемендә ЮХИДИ хезмәткәрләре Шафигуллин Ф.Т. һәм Хадиева Л.М., әти-әниләр катнашында "Светофор иленә сәяхәт" дип исемләнгән бик матур һәм файдалы чара булып узды. Балалар үзләренең юлда йөрү кагыйдәләрен оста белүләрен күрсәттеләр.

Бүген бакчабызда инвалидлар ункөнлеге кысаларында искитмәле очрашу булды. Безгә кунакка районыбызның яшь, талантлы шагыйрәсе Чулпан Габделганиева килде. Ул балаларга иҗаттагы, спорттагы уңышлары хакында сөйләде, шигырьләр җыентыгын бүләк итте, үзе турында балаларда бары җылы хатирәләр калдырды.

Зурлар - мәктәпкә әзерлек төркеме балаларга юл йөрү кагыйдәләренә багышланган "Машиналардан саклан" дип исемләнгән курчак театры күрсәтте.

Бүген зурлар - мәктәпкә әзерлек төркемендә "Әниләр көне"нә багышланган бәйрәм иртәсе булып үтте.Балалар әниләренә төрле һөнәрләрен күрсәттеләр. Бәйрәмнең икенче өлешендә "Заюшкина избушка" әкиятен сәхнәләштерделәр.