12 нче сентябрь көнне Субаш урта мәктәбендә “ Бер очрашу – үзе бер гомер” исеме астында танылган шагыйрь, журналист Госман Садә белән очрашу булды. Очрашу барышында шагыйрьнең шигырьләре укылды, авторның җырлары башкарылды. Укучылар Госман Садәгә үзләрен кызыксындырган сорауларны бирделәр, ә шагыйрь үз чиратында балаларга теләк – фикерләрен җиткерде. Укучыларга автографлы китапларын бүләк итте. Очрашудан бар кеше канәгать калды.

Казан федераль университеты Россия Федерациясендәге һәм ерак һәм якын чит илләрдәге укытучыларны, укучыларны һәм студентларны татар теле һәм әдәбиятыннан халыкара олимпиадада катнашырга чакыра. Татар теле һәм әдәбияты буенча әлеге Халыкара олимпиада Татарстан Республикасының 2004-2013 елларга Татарстан Республикасы дәүләт телләрен һәм Татарстан Республикасындагы башка телләрне саклау, өйрәнү һәм үстерү буенча дәүләт программасы кысаларында Россия Федерациясе субъектларында, шулай ук чит илләрдә татар теле һәм әдәбиятын, татар мәдәниятен саклау һәм үстерүгә булышу өчен өстәмә шартлар тудыру максатыннан үткәрелә.

Олимпиада программасында түбәндәгеләр каралган:

РФ мәгариф һәм фән өлкәсендә күзәтчелек буенча федераль хезмәтенең быел 29 августта кабул иткән 3499-10 нчы күрсәтмәсе белән, бердәм дәүләт имтиханнары (БДИ) тарихында беренче тапкыр буларак, яңа уку елы алдыннан ук БДИның барлык предметлары буенча минималь баллар саны билгеләнгән.

Татарстанда яңадан мәктәптә татар телен өйрәнүгә бәйле рәвештә җәнҗал купты: Түбән Кама шәһәрендә яшәүче Виктория Можарова дигән ханым үз балаларының татар телен укуларына каршы. Дөресрәге, 2008 елдан бирле инде ул улларын татар теле дәресләренә йөртмәгән һәм быел педсовет карары белән малайларны класстан класска күчерми калдырганнар. Билгеле инде, әлеге ханым бу “гаделсезлек” белән килешергә теләми, һәм эш судта каралачак, әмма вакыйганың юридик нечкәлеклә­ренә кереп китсәк, шул ачык­лана: суд, әгәр Россия законнарына таянып объектив карар чыгара калса, Можарова ханымның улларына карата кулланылган чараның гадел булганын раслаячак.

Ләкин...

Тантаналы линейкадан соң барлык сыйныфларда мавыктыргыч универсиада дәресләре узды. 1 сыйныфларга "Ак Барс" компаниясе "Универсиаданың тылсымлы картасы" дигән китап бүләк итте.

Субаш мәктәбе укучыларын котлау өчен Балтач районы җир-милек палатасы җитәкчесе Ибнеев Ф. Ф., Тукай исемендәге авыл хуҗалыгы җәмгыяте рәисе Сәгъдиев Н. С.,җәмгыять участок инспекторы Николаев Ю. И., авыл советы секретары Вафина Р. кунакка килделәр. Кунаклар кулыннан бүләк алу 1 сыйныф укучыларын тагында шатландырды.

Белем бәйрәменнән соң укытучылар ветеран укытучы Иванов Павел Ивановичны бәйрәм белән котларга бардылар. Ветеран укытучы белән очрашу бик күңелле узды. Хатирәләр яңартылды, күңелле мизгелләр искә алынды. Павел Иванович укытучыларга уңышлар теләп калды.  

    Укытучыларны һәм тәрбиячеләрне, укучыларны һәм студентларны, ата-аналарны, мәгариф системасында эшләүче барлык хезмәткәрләрне Белем көне һәм яңа уку елы башлану белән ихлас күңелдән тәбрик итәбез!

    Яңа уку елы яңа иҗади җиңүләр китерсен! Сезгә сәламәтлек, тынычлык, бәхет һәм иминлек телибез.

    Белем көне котлы булсын, кадерле ватандашлар!

Хөрмәтле татарстанлылар!

Сезне Республика көне белән чын күңелдән котлыйбыз. Сәламәтлек, бәхет-шатлыклар, муллык, гаилә бәхете, эшегездә уңышлар телибез. Уртак йортыбыз - Татарстан Республикасы ныгысын һәм чәчәк атсын!

 

Республика күләмендә үткәрелгән "Безнең иң яхшы укытучыбыз" бәйгесендә мәктәбебездән өч укытучы җиңүче булды:

Галиева Раиля Мәсхүд кызы - татар теле һәм әдәбияты укытучы;

Гарифуллин Расил Габдулла улы - математика укытучысы;

Гарифуллина Раилә Рифкать кызы - математика укытучысы.

Аларны җиңүләре белән котлыйбыз һәм эшләрендә уңышлар телибез .