Логопед- укытучы Муратшина Гөлүсә Мансур кызның эшчәнлеге балаларның сөйләмендәге кытыршылыкларны бетерүгә юнәлгән. Коррекция дәреләре белән бер рәттән логопед- укытучы шулай ук балаларның сөйләм бозылу очракларын кисәтүгә бәйләнгән профилактика эшләрен дә үткәрә. Логопедия дәресләренә җиңел һәм авыр сөйләм паталогиясенә ия булган югары һәм урта төркем балалары сайлап алына. Балалар бакчасында логопедия тикшерүе иң беренче чиратта 5-6 яшьлек балалар арасында үткәрелә, калганнары – тикшерүне ел дәвамында үтә. Сөйләмне тезәтү эше атнага 5 мәртәбә үткәрелә, ул индивидуаль яки ярым группа характерында була. Балалар бакчасында логопедия дәресләрен үткәрер өчен барлык шатлар да тудырылган. Изоляцияләнгән махсус логопедия кабинеты бар, логопед- укытучы эшчәнлеге дәүләт стандартларына җавап биргән белем бирү программаларына нигезләнеп башкарыла.

Һәр атна саен мәктәпкә әзерлек төркеме физик культура интрукторы Абунагимова Рамилә Рәиф кызы белән берлектә "Юбилейный" боз сараена баралар. Анда алар белән тәҗрибәле тренер- Илнар Вәсим улы шөгыльләнә. Ул балаларны тимераякта дөрес итеп шуарга өйрәтә. Балаларга спорт белән шөгыльләнергә бик кызык, алар бу көнне бик зарыгып көтәләр һәм һәммәсе дә хоккеист, яки фигурист булырга хыяланып торалар.

Бүген безнең бакчада Белем көненә багышлап бик матур бәйрәм иртәсе узды. Бәйрәмгә кунак булып төлке һәм бүре  килделәр. Алар балаларның  белемнәрен тикшерде, мәктәп турында табышмаклар әйтте, эстафета уйнаттылар. Балалар аларга шигырьләр сөйләп, җырлар җырлап, биеп күрсәттеләр.  Бәйрәм флешмоб белән бетте.

Бүген безнең балалар бакчасында "Кемдә күбрәк бантиклар?" исемле конкурс үткәрелде. Конкурс бантиклар белән бизәлгән костюмнарны күрсәтүдән башланды. Бантиклар балаларның башын гына түгел, ә киемнәрен һәм хәтта аяк кименәрен дә бизәделәр. Нәтиҗәдә чын бәйрәм килеп чыкты, балалар биеделәр, хәрәкәтле уеннар уйнадылар һәм, әлбәттә, җиңүчеләрне сайладылар. Конкурсның нәтиҗәләренә караганда, беренче урынны "Кояшкай" төркеме, икенче -" Тамчыкай", өченче - "Кәрләкәй" төркеме яуладылар.Балалар бакчасының администрациясе бөтен җиңүчеләрне тәбрикләде һәм конкурсны уздыруда ярдәм иткән бөтен тәрбиячеләргә һәм ата- аналарга рәхмәтен җиткерде.

29 август көнне Мөслимнең "Кояшкай" балалар бакчасына тәрбиячеләр бардылар. Анда тәрбиячеләрне бакча буенча экскурсия, "Казан ханлыгы" на багышланган экспозиция, төркем бүлмәләре, үткәрелгән капиталь ремонтның сыйфаты, территория сокландырдылар. Тәрбиячеләр белән консультацияләр үткәрелде. Алар белән өлкән тәрбияче, рус теле тәрбиячесе, төркем тәрбиячеләре тәҗрибәләре белән уртаклаштылар, үзләренең документлары, планнары белән таныштырдылар.

Ямьле җәй белән саубулашу балаларга бераз моңсу тоелса да, августның соңгы көннәрендә алар асфальтка истәлек өчен җәй турында рәсемнәр ясадылар. тәрбиячеләр балаларга рәсемнәрнең композициясен төзергә ярдәм иттеләр.

Буген тәрбиячеләр балалар бакчасында "Сау бул ямьле җәй" күмәк рәсем конкурсы уздырдылар. Балалар рәсем ярышында бик теләп катнаштылар. Берсеннән берсе матур итеп ясап һәрберенең кәефен күтәрделәр.

Экология елы кысаларында балалар бакчасына китапханә хезмәткәрләре килделәр. Алар балаларга презентация күрсәтеп, табигатьне саклап калу турында сөйләделәр. Чыгышны йомгаклап, алар хайваннар һәм табигать турында китаплар калдырдылар.

"Аксылу һәм кәрлә" театры балаларның күңелен ачты.Балалар күрсәтелгән тапшыруны бик кызыгып карадылар.

16 август- Һава флоты көне. Шул уңайдан җәйге эш планына нигезләнеп бакчабызда "Бар һөнәрләр дә яхшы" атналыгы ( 14 августтан - 18 августка кадәр) үткәрелде. "Нәрсә ул һава флоты" темасына әңгәмә уздырылды. Тәрбияче Гыйләҗева Г.М. балалар белән кәгазьдән самолетлар ясап очырып уйнады.