15 август- Археологлар көне. Шул уңайдан җәйге эш планына нигезләнеп бакчабызда "Бар һөнәрләр дә яхшы" атналыгы ( 14 августтан - 18 августка кадәр) үткәрелде. Балалар комлыкта казу эшләре белән шөгылләнделәр. Аларга тәрбияче Гыйләҗева Г.М. белән алдан күмеп куелган әйберләрне казып эзләп табу бик охшады. Археолог кем ул икәнен дә искә төшереп ныгыттылар.

Безнең балалар бакчасында бик матур бакча бар. Җәй көне ул аеруча ямьле. Яз көне утырткан чәчәкләр җәйгә күзләрне шатландырып чәчәк аталар. Чәчәкле бакчаның шундый матур булуында балаларның да өлеше бар. Балалар тәрбиячеләр белән бергә чәчәкләргә су сибә. Шул рәвешле балалар бакчаның чәчәк атуын тәэмин итәләр.

"Чишмәкәй" балалар бакчасында күп төрле алмагачлар үсә. Җәй көне алар тәмле итеп кызарып пешәләр. Бүген балалар тәрбиячеләр ярдәме белән бакчадан алмалар җыеп керделәр. Балалар алмаларны бик яраталар, шуңа еш кына чиләккә җыйган алмаларны пешекчеләргә компот яисә тәмле кыстырма пешерер өчен кертеп бирәләр. Пешекчеләр исә үз чиратында балаларны төшке аш вакытында алмадан пешергән әйберләре белән сыйлыйлар.

12 август- Төзүчеләр көне. Шул уңайдан җәйге эш планына нигезләнеп бакчабызда "Төзи, төзи уйныйбыз" атналыгы ( 7 августтан - 11 августка кадәр) үткәрелде. Төзүчеләргә багышланган шигырьләр, хикәяләр, әкиятләр укылды.Комда Чирмешән авылын төзеделәр, йортлар, кибетләр, юллар ясадылар..

Зурлар һәм мәктәпкә әзерлек төркемнәре балалары ташларга рәсем төшерделәр. Алар умарта, чәчәк, бака, җиләк, камка тутай, күбәләк, таулар, кояш, балыклар ясадылар. Бу шөгыль балаларга бик охшады. Ташларга рәсем ясап эшләгән эшләренә сокланып, шатландылар. Ташлар тылсымлыга әйләнде.

Җәйге эш планына нигезләп бакчабызда "Экология" атналыгы ( 31 июльдән - 4 августка кадәр) үткәрелде. Бу атнада тәрбиячеләр табигатькә сәяхәткә чыктылар, "Чәчәкләр бәйрәме" үткәрделәр. Ул чәчәкләр белән участокларны бизәп, "Иң матур участок" конкурсы оештырдылар.

Экология елы кысаларында "Чишмәкәй" балалар бакчасында тәрбиячеләр балалар белән экология атнасы уздырылды. Матур әдәбият, табигатьне ничек саклау турында,агулы һәм файдалы үсемлекләр турында әңгәмә оештырылды.

ФГОС тәлапләре буенча балалар бакчасында тәрбиячеләргә җәйге вакытта балалар өчен белем алу эшчәнлегенә тарткан ситуацияләрне гамәлгә ашыру тәлап ителә. Шундый балаларга тәэсир итү формаларының берсе - ул эксперимент - уен. Бүген мәктәпкә әзерлек төркеме балалары тәрбияче Шарапова Э.М. белән бергә "Юеш һәм коры комны авырлык һәм билгеләре буенча чагыштыру" дигән уен үткәрделәр.

"Суга батучыларны эзләү" күңел ачу чарасын тәрбиячеләр Гыйләҗева Г.М., Шарапова Э.М. үткәрделәр.

Безнең "Чишмәкәй” балалар бакчасында "Сабын куыклары бәйрәме" узды. Бәйрәмдә барлык төркем балалары да катнаштылар. Чараны тәрбиячеләр Э.М.Шарапова,Г.М.Гилязова оештырдылар. Һәр бала сабын куыклары кабартып уйнады. "Кемнең куыгы иң зурысы", "Кемнең куыгы иң биеккә очты", "Кемнең куыгы иң еракка очты" уеннарын уйнадылар. Бәйрәм балаларның кәефләрен күтәрде.