Бүген, 26 нчы март көнне 6 нчы класс укучыларының “Гаилә – бала тормышында шәхси тәрбия алу мохите” дигән тема астында ата-аналар җыелышы булды. 

Бүген 9 нчы сыйныфта  «Балаларны дәүләт йомгаклау аттестациясенә әзерләгәндә ата-аналарның роле» дип аталган ата-аналар җыелышы булып үтте. Җыелышта мәктәп директоры Шәрифуллина Рәзилә Вәлиәхмәт кызы да катнашты. Ул ата – аналарны балаларның төрле фәннәрдән сынап карау имтиханының декабрь һәм март айларында алган нәтиҗәләре белән таныштырды. 

Бүген, 25 нче март көнне, 3 класс укучыларының ата-аналар җыелышы булып үтте. Җыелышта 3 нче чирек билгеләре белән таныштырылды, балаларга тәрбия бирүдә һәм гаилә хезмәттәшлеген ныгытуга кагылышлы мәсьәләләр күтәрелде.

Сәламәтлек турында кайгырту - тәрбия эшенең гаять әһәмиятле өлеше. Баланың физик үсеше һәм сәламәтлеге аны шәхес итеп формалаштыруда нигез булып тора. Шул максаттан чыгып 4 нче сыйныф укучылары бассейнга барып сәламәтлекләрен ныгытып кайттылар. 

"Чиста авыл бездән башлана" акциясе кысаларында эшне дәвам итеп, Туймәт мәктәбе укучылары 18 - 23 март  аралыгында 112,1  кг макулатура, 3  кг пластик җыйдылар. 

23 -31 нче март көннәренә Туймәт төп мәктәбе укучыларына язгы каникул ялы бирелде. Каникулга китәр алдыннан укучыларга инструктаж үткәрелде: язгы су басу куркынычсызлыгы, янгын куркынычсызлыгы , юл йөрү кагыйдәләрен төгәл үтәү буенча мәгълүмат бирелде. 

Бүген, мәктәбебездә помидор, чәчәк үсентеләрен күчереп утырту өчен уңайлы көн. 

Соңгы елларда халкыбызның гореф – гадәтләрен, йолаларын өйрәнүгә игътибар артты. Инде менә ничәмә-ничә еллардан бирле Туймәт мәктәбе коллективы Нәүрүз бәйрәмен зурлап уздыра.

9 нчы класс укучылары география фәненнән чираттагы сынап карау эшен эшләп карадылар. Укучыларга барлык имтиханнарын да уңышлы тапшыруларын телибез.